جاری مالی سال دے پہلے 10 مہینے دے دوران ٹیلی کام شعبے دی درآمدات وچ 1.83 فیصد گھٹکی

اسلام آباد ۔ 31 مئی (اے پی پی) جاری مالی سال وچ پہلے10 مہیناں دے دوران ٹیلی کام دے شعبے دی درآمدات وچ 1.83 فیصد گھٹکی واقع تھئی ہے۔ ادارہ برائے شماریات پاکستان ( پی بی ایس) دے اعدادوشمار دے مطابق جاری مالی سال وچ جولائی توں اپریل دے دوران ٹیلی کام دے شعبے دی درآمدات داحجم 1.157 ارب ڈالر ریکارڈ کیتا گیا جڈانجو گزریل مالی سال دے ایں عرصے دے دوران شعبے دی درآمدات دا حجم 1.18 ارب ڈالر ریکارڈ کیتا گیا ہائی ایں طرح گزریل مالی سال دے مقابلے وچ جاری مالی سال دے دوران ٹیلی کام دے شعبے دی درآمدات وچ 1.83 فیصد دی گھٹکی ریکارڈ کیتی گئی ہے۔