اسلام آباد۔4فروری(اے پی پی) صدر مملکت آصف علی زرداری دورہ چین سانڳے اسلام آباد توں روانہ تھی ڳئن۔ ایوان صدر پریس ونگ توں جاری بیان موجب صدر مملکت 4 توں 8 فروری تئیں دورہ چین سانڳے وفد دے رلے اسلام آباد توں روانہ تھئن، نائب وزیر اعظم تے وزیر خارجہ سینیٹر محمد اسحٰق ڈار، وزیر داخلہ محسن نقوی، سینیٹر سلیم مانڈوی والا تے ڈاکٹر عاصم حسین وی صدر مملکت دے …
صدر مملکت آصف علی زرداری چین دے دورے تے روانہ
اسلام آباد۔4فروری(اے پی پی) صدر مملکت آصف علی زرداری دورہ چین سانڳے اسلام آباد توں روانہ تھی ڳئن۔ ایوان صدر پریس ونگ توں جاری بیان موجب صدر مملکت 4 توں 8 فروری تئیں دورہ چین سانڳے وفد دے رلے اسلام آباد توں روانہ تھئن، نائب وزیر اعظم تے وزیر خارجہ سینیٹر محمد اسحٰق ڈار، وزیر داخلہ محسن نقوی، سینیٹر سلیم مانڈوی والا تے ڈاکٹر عاصم حسین وی صدر مملکت دے رلے ہن ۔ صدر مملکت بیجنگ اچ چین دی اعلیٰ سطح دی سیاسی قیادت نال ملاقاتاں کریسن ۔ صدر مملکت اپݨے چینی ہم منصب شی جن پنگ اتے وزیر اعظم لی چیانگ نال وی ملاقات کریسن ۔ صدر مملکت دا دورہ چین ݙوطرفہ تعلقات مزید تکڑے کرݨ سانڳے ٻہوں اہمیت رکھیندے ، اے دورہ ݙوہیں ملکاں وچال ݙوپاسے اقتصادی و تجارتی تعاون مزید ودھاوݨ اچ اہم کردار ادا کریسی ۔ ملاقاتاں دے دوران پاک-چین اقتصادی راہداری، علاقائی رابطے تے سکیورٹی تعاون سودھے اہم ݙوطرفہ امورتے ڳالھ مہاڑ کیتی ویسی۔
