پنج  فروری کوں پوری پاکستانی قوم کشمیری عوام نال اظہار یکجہتی سانڳے ”یوم یکجہتی کشمیر” بھرپور اندازاچ منیسی وفاقی وزیر امور کشمیر انجینئر امیر مقام دی پریس کانفرنس

اسلام آباد۔4فروری(اے پی پی) وفاقی وزیر امور کشمیر و گلگت بلتستان انجینئر امیر مقام آکھیے صبحائیں ٻدھ 5 فروری کوں پوری پاکستانی قوم کشمیری عوام نال اظہار یکجہتی سانڳے ”یوم یکجہتی کشمیر” بھرپور انداز اچ منیسی پاکستان تے کشمیریاں اچ پراݨا رشتہ اے ، کشمیریاں دی غیرمتزلزل حمایت ساݙے منشور دا حصہ اے، کشمیری عوام تے کیتے ونڄݨ آلے ظلم نظر انداز نی کیتے ونڄ سڳدے ، مسئلہ کشمیر کشمیری عوام دی خواہشات موجب اقوام متحدہ دی قرارداداں موجب حل تھیوݨا چاہیدے ، کشمیریاں دی اخلاقی، سیاسی تے سفارتی حمایت جاری رکھیسوں۔ اے ڳالھ انہاں آل پارٹیز حریت کانفرنس دے کنوینئر غلام محمد صفی دے رلے پریس کانفرنس توں خطاب کریندے آکھی ۔ ایں موقع تے وزیراعظم دے معاون خصوصی امور کشمیر شبیر احمد عثمانی، سینئر حریت رہنما فاروق رحمانی اتے پارلیمانی سیکرٹری امور کشمیر چوہدری انوار الحق وی موجود ہن۔ انجینئر امیر مقام آکھیے 5 فروری کوں پوری پاکستانی قوم یوم یکجہتی کشمیر بھرپور انداز اچ منیسی ، اندرلے ٻاہرلے ملک رہݨ آلے پاکستانی اپݨے کشمیری بھراویں نال یکجہتی کریسن یوم یکجہتی دے حوالے نال ملکی سطح تے ٻہوں سارے پروگرامز ترتیب ݙتے ڳئن ، پوری قوم ھک واری ول کراچی توں خیبر تئیں یوم یکجہتی کشمیر منیندی پئی اے ، پاکستان دے عوام ہر سال یوم یکجہتی کشمیر روایتی جوش و جذبے نال منیندن ،ایں موقع تے کشمیریاں نال اظہار یکجہتی سانڳے پورے ملک اچ خصوصی تقریباں دا انعقاد اتے ریلیاں کڈھیاں ویسن ، ایں ضمن اچ حکومت پاکستان،صوبائی حکومتاں آزادکشمیر تے گلگت بلتستان دی حکومتاں ایں ݙینھ دے حوالے نال وی خصوصی پروگرامز ترتیب ݙے رکھئن تے انشاء اللہ پوری قوم  کنٹرول لائن دے اُوں پار یکجہتی نال بھرپور پیغام پڄیسی تے اے عزم کریسی جو دنیا دی کوئی وی طاقت پاکستان دی حکومت اتے عوام کوں کشمیریاں دی حمایت توں دستبردار نی کراسڳدی ،پاکستان تے کشمیری عوام ھک جان ݙودل ہن ، کشمیریاں دی غیر متزلزل حمایت ساݙے منشور دا حصہ اے،بھارتی فورسز دا کشمیریاں تے ظلم انسانی حقوق دی خلاف ورزی اے،کشمیر دے مسئلے کوں طاقت نال حل نی کیتا ونڄ سڳدا ، کشمیریاں دی اخلاقی، سفارتی، سیاسی حمایت کریندے رہسوں ۔ انہاں آکھیے وزیراعظم محمد شہباز شریف اتے نائب وزیراعظم تے وزیر خارجہ اسحاق ڈار  مسئلہ کشمیر کوں عالمی سطح تے اجاگر کرݨ سانڳے بھرپور اقدامات چیندے پئن