جموں و کشمیر دا تنازعہ پاکستان دی خارجہ پالیسی دا اہم ستون اے اتے رہسی، وزیراعظم محمد شہبازشریف

مظفر آباد۔5فروری(اے پی پی)وزیراعظم محمد شہباز شریف یوم یکجہتی کشمیر تے کشمیریاں دی اخلاقی، سفارتی و سیاسی حمایت دا عزم دوہریندے آکھیے جو حق خود ارادیت کیتے اپݨیاں جاناں ݙیوݨ آلے کشمیریاں دی قربانیاں ٻھلائی نئیں ونڄ سڳدی، جموں و کشمیر دا تنازعہ پاکستان دی خارجہ پالیسی دا اہم ستون اے اتے رہسی۔ وزیر اعظم شہبازشریف یوم یکجہتی کشمیر تے اپݨے دورہ کشمیر اچ آل پارٹیز حریت کانفرنس دے رہنماواں نال ملین۔ انہاں آکھیا جو عالمی برادری کوں مقبوضہ جموں و کشمیر اچ بھارتی جارحیت اتے انسانی حقوق دی خلاف ورزیاں دے خلاف اقدامات کرݨے ہوسن، پاکستان کشمیری عوام دے اقوام متحدہ دی سلامتی کونسل دی قرارداداں دے مطابق، حق خودارادیت تئیں انہاں دی ہر شکل اچ اخلاقی، سفارتی و سیاسی  حمایت جاری رکھسی۔ وزیراعظم آزاد جموں و کشمیر اچ مہاجرین دے مسلیاںد ے حل کیتے حکمت عملی ٻݨاوݨ دی ہدایت کیتی۔ آل پارٹیز حریت کانفرنس دے رہنماواں وزیر اعظم اتے حکومت پاکستان دا کشمیریاں نال یکجہتی تے شکریہ ادا کیتے۔ ملاقات اچ وزیراعظم آزاد جموں و کشمیر چوہدری انوار الحق، سپیکر آزاد جموں و کشمیر اسمبلی چوہدری لطیف اکبر، وفاقی وزرا احسن اقبال، رانا تنویر حسین، انجینئر امیر مقام، عطا اللہ تارڑ، کشمیری رہنما غلام نبی صفی، ایڈوکیٹ پرویز، اعجاز رحمانی، سید گلشن، محمد اشرف ڈار، شاہین اقبال، مشتاق احمد، خورشید احمد خان اتے راجہ خادم حسین شاہین شامل ہن۔