وزیر خزانہ سینیٹرمحمد اورنگزیب نال سابق وزرا شاہد جاوید برکی تے شمشاد اختر دی ملاقات

اسلام آباد۔6فروری(اے پی پی) وفاقی وزیرخزانہ و محصولات سینیٹرمحمد اورنگزیب سابق وزرائے خزانہ  شاہد جاوید برکی تے شمشاد اختر نال انڄ انڄ ملاقات کیتی ۔ وزارت خزانہ توں جاری بیان موجب ملاقاتاں اچ ملک دی معاشی ترقی،معیشت دے استحکام دی بحالی اتے پائیدار معاشی ترقی سانڳے حکومتی کوششاں بارے ڳالھ مہاڑ کیتی ڳئی ۔ شاہد جاوید برکی اتے  شمشاد اختر( جو مالی ومعاشی امور اچ آپݨی مہارت اتے قیادت سانڳے معروف ہن)انہاں آپݨے وسیع تجربے دی روشنی اچ قیمتی صلاح تے تجویزاں پیش کیتن ۔ انہاں وزیر خزانہ سینیٹرمحمد اورنگزیب دی معاشی بحالی سانڳے کوششاں اچ تعمیری مشورے ݙتے ۔ وزیر خزانہ ݙوہیں ماہرین معاشیات دی ادارہ سازی، معاشی پالیسی سازی اتے مختلف حیثیتاں اچ معاشی انتظام دے شعبیں اچ نمایاں خدمات دی تعریف کیتی ۔ انہاں آکھیے ݙوہیں شخصیات ملکی مالیاتی منظر نامے دی  تشکیل تے معروف مالیاتی و تعلیمی اداریں اچ آپݨی خدمات انجام ݙتن ۔ انہاں آکھیے شاہد جاوید برکی اتے شمشاد اختر جیھے تجربہ کار ماہرین دی رہنمائی اتے تجویزاں حکومت دی معاشی پالیسیاں کوں مزید چنڳاں کرݨ اچ معاون ثابت تھیسن ۔ انہاں ایں ڳالھ تے زور ݙتے جو ملک دی معاشی ترقی سانڳے سارے شراکت داراں دی مشترکہ کوششاں دی لوڑھ اے۔ ݙوہیں ماہرین معاشیات حکومت دی طرفوں معاشی استحکام سانڳے چاتے ڳئے اقدامات دی تعریف کیتی تے مستقبل اچ تعاون دا عزم ظاہر کیتے۔  ملاقات اچ وزارت خزانہ دے ٻئے اعلیٰ حکام وی موجود ہن۔