وزیراعظم شہباز شریف دا پرنس کریم آغا خان دے انتقال تے 8 فروری کوں قومی سوڳ دا اعلان ، قومی پرچم جِھکا رہسی

اسلام آباد۔6فروری(اے پی پی) وزیراعظم شہباز شریف پرنس کریم آغا خان دے انتقال تے ݙکھ تے افسوس کریندے ہفتہ 8 فروری 2025 کوں قومی سوڳ دا ݙینھ مناوݨ دا اعلان کیتے ۔ سیکرٹری کابینہ ڈویژن کامران علی افضل دی طرفوں جاری نوٹیفکیشن اچ آکھیا ڳئے حکومتِ پاکستان اتے عوام دی طرفوں پرنس کریم آغا خان دے انتقال تے ݙکھ تے افسوس کریندے وزیرِاعظم مرحوم دی تدفین دے موقع تے ہفتہ 8 فروری 2025 کوں قومی سوڳ دا ݙینھ مناوݨ دا اعلان کیتے ۔ ایں موقع تے پورے ملک اچ قومی پرچم جِھکا رہسی۔