موسمیاتی چیلنجز نال نمٹݨ کیتے گورننس، اصلاحات اتے استعداد کار ودھاوݨی ہوسی، وزیراعظم دا بریتھ پاکستان بین الاقوامی کانفرنس نال خطاب

اسلام آباد۔7فروری(اے پی پی)وزیراعظم محمد شہباز شریف آکھیے جو پاکستان کوں غیر معمولی موسمیاتی تباہ کاریاں دا سامݨا اے، موسمیاتی چیلنجز نال نمٹݨ کیتے گورننس، اصلاحات اتے استعداد کار ودھاوݨی ہوسی۔ اے ڳالھ انہان اسلام اباد اچ بریتھ پاکستان بین الاقوامی کانفرنس نال خطاب اچ آکھی۔ انہاں آکھیا جو کانفرنس دا مقصد ایں ویلھے وݙے اہم معاملے موسمیاتی تبدیلی دے چیلنجز کوں سمڄھݨ اے، پاکستان دا گیساں دے اخراج اچ حصہ صرف ہک فیصد ہووݨ دے باوجود موسمیاتی تبدیلیاں نال سب توں ودھ متاثرہ تھیوݨ چنتے آلی ڳالھ اے، غیر متوقع موسمیاتی تبدیلیاں نال سیلاب، مسلسل گلیشیئرز دا پگھرݨ، ہیٹ ویو اچ شدت، قحط سالی جھیں مسلے ہین، ݙوسال پہلے سیلاب نال پاکستان دا ݙوترہائی علاقہ سیلاب نال متاثر تھیوݨ پاروں 3 کروڑ 30 لکھ لوک نقل مکانی تے مجبور تھئین، 1700 افراد جاں بحق تھئین، اے شدت نال ابھردا خطرہ فوری توجہ چاہندے، (نیشنل کلائمیٹ چینج پالیسی 2021 اتے نیشنل آڈاپٹیشن پلان 2023) اچ  ٻݨیے جیندے تے عملدرآمد کرݨ ضروری اے، موسمیاتی تبدیلی نال نمٹݨ کیتے گورننس اچ اصلاحات، پالیسی دی تشکیل اتے استعداد ودھاوݨ ڄھیں اقدامات دی لوڑھ اے، اڑان پاکستان تبدیلی دا منصوبہ اے جیندے اچ موسمیاتی تبدیلی دے چیلنجز، ریزیلیئنس، توانائی، ایکویٹی، اجتماعیت اتے ترقی شامل اے، ریزیلیئنٹ دی تعمیر، انفراسٹرکچر اتے پائیدار ترقی اچ سرمایہ کاری کیتے مزید پیشنگوئی، قابل عمل اتے گرانٹ تے مبنی مالی مدد دی لوڑھ اے جیندے بغیر موسمیاتی و گرین اینڈ کلین ٹرانسفارمیشن دا خواب پورا نئین تھی سڳدا، بریتھ پاکستان اقدامات دا مقصد کلین، گرین اتے مزید مستحکم پاکستان اے۔