اسلام آباد۔7فروری(اے پی پی)چیئرمین پاکستان کرکٹ بورڈ (پی سی بی )محسن نقوی قذافی سٹیڈیم دی ریکارڈ مدت اچ مکمل تھیوݨ تے 15 سو توں ودھ ورکرز کوں خصوصی ظہرانہ ݙتے۔ او مزدوراں نال ملین اتے کٹھے کھاوݨا کھادے۔ مزدوراں چیئرمین پی سی بی محسن نقوی نال سلفیاں اتے تصویراں ٻݨائن۔ چیئرمین پی سی بی ݙینھ رات محنت نال سٹیڈیم مکمل کرݨ تے ورکرز دی تعریف کریندے شاباش ݙتی۔ محسن نقوی مزدوراں کوں چھݨ چھݨ آلے ݙینھ پاکستان اتے نیوزی لینڈ دا میچ ݙیکھݨ دی دعوت ݙتی۔ مزدوراں چیئرمین پی سی بی کوں آکھیے جو تساں کمال کر ݙتے، 3 مہینے توں سٹیڈیم اچ کم کیتے اتے سٹیڈیم ݙیکھ تے دل خوش تھئے اتے محنت سجاعی تھئی اے۔ چیئرمین پی سی بی آکھیا جو قذافی سٹیڈیم ریکارڈ مدت اچ مکمل کرݨ تہاݙی محنت اے۔ ایڈوائزر عامر میر، چیف آپریٹنگ آفیسر سمیر احمد، چیف ایگزیکٹو آفیسر پی ایس ایل سلمان نصیر، پاکستان ٹیم دے کپتان محمد رضوان، چیف فنانشل آفیسر جاوید مرتضی، ایف ڈبلیو او دے پراجیکٹ ڈائریکٹر، نیسپاک ، پی سی بی دے اعلی حکام وی موجود ہن۔
