پاکستان دی آئی ٹی برآمدات اچ 28 فیصد ودھارے توں 1.86 ارب ڈالر تئیں پڄ ڳئن ،ڈیجیٹل نیشن ایکٹ 2025 پاکستان دی ڈیجیٹل معیشت اچ تبدیلی دا عہد اے، شزا فاطمہ خواجہ دا لیپ 2025 توں خطاب

اسلام آباد۔9فروری(اے پی پی) وزیر مملکت آئی ٹی و ٹیلی کام شزا فاطمہ خواجہ آکھیے پاکستان دی آئی ٹی برآمدات اچ 28 فیصد ودھارے توں 1.86 ارب ڈالر تئیں پڄ ڳئن ،ڈیجیٹل نیشن ایکٹ 2025 پاکستان دی ڈیجیٹل معیشت اچ تبدیلی دا عہد اے ۔ وزارتِ انفارمیشن ٹیکنالوجی و ٹیلی کمیونیکیشن توں جاری اعلامیہ موجب لیپ 2025 اچ پاک-سعودی بزنس فورم، ڈیجیٹل تعاون اچ تاریخی پیش رفت تھئی اے ، پاکستان تے سعودی عرب وچال ڈیجیٹل اتے اقتصادی شراکت داری کوں مزید وسعت ݙتی ویندی پئی اے ۔شزا فاطمہ خواجہ آکھیے پاکستان دی آئی ٹی برآمدات اچ 28 فیصد ودھارا، 1.86 ارب ڈالر تئیں پڄ ڳئن ،ڈیجیٹل نیشن ایکٹ 2025 پاکستان دی ڈیجیٹل معیشت اچ تبدیلی دا ھک عہد اے ۔ لیپ دے موقع تے خطاب اچ انہاں آکھیے جو ڈیجیٹل فارن ڈائریکٹ انویسٹمنٹ (ڈی ایف ڈی آئی) فورم وختی اسلام آباد اچ تھیسی ، عالمی سرمایہ کاراں کوں شرکت دی دعوت ݙتی ویندی اے ۔ وزیر مملکت آئی ٹی و ٹیلی کام شزا فاطمہ خواجہ آکھیے پاکستان سعودی وژن 2030 دے تحت جدید ٹیکنالوجی دے شعبے اچ تکڑی شراکت داری چاہندے ،اساں سعودی سرمایہ کاراں کوں پاکستان دے فِن ٹیک، سائبر سکیورٹی اتے کلاؤڈ کمپیوٹنگ دے شعبیں اچ سرمایہ کاری دی دعوت ݙیندوں ،پاکستان تے سعودی عرب وچال ڈیجیٹل سرمایہ کاری اتے تکنیکی تعاون سانڳے سنہری موقع اے ۔ شزا فاطمہ خواجہ آکھیے پاکستان عالمی معیار دی ڈیجیٹل سروسز ݙیندا پئے ، سرمایہ کاراں سانڳے شاندار موقع موجود ہن۔لیپ 2025 اچ پاکستان دی ساریں توں وݙی شرکت اے ، 100 توں ودھ ٹیک کمپنیاں اتے 1,000 توں ودھ شرکاء شریک تھئن۔ اساں صرف ایم او یوز کائناں، بلکہ حقیقی معاشی ترقی سانڳے معاہدے کریندے پیوں ۔ وزیر مملکت آئی ٹی و ٹیلی کام شزا فاطمہ خواجہ آکھیے ڈیجیٹل کوآپریشن آرگنائزیشن (ڈی سی او) پاکستان دے ڈیجیٹل ترقی اچ اہم پارٹنر اے،وزیراعظم شہباز شریف دی قیادت اچ پاکستان اچ ڈیجیٹل ترقی تے سرمایہ کاری سانڳے سازگار ماحول بݨایا ویندا پئے ،وزیراعظم دی وژنری قیادت دے تحت پاکستان عالمی ڈیجیٹل معیشت اچ چنڳاں مقام گھندا پئے ، ڈیجیٹل معیشت دے ودھارے سانڳے جامع حکمت عملی اپنائی ڳئی اے ۔شزا فاطمہ خواجہ آکھیے پاکستان دی ڈیجیٹل ترقی اچ (ایس آئی ایف سی) دا کلیدی کردار اے، سپیشل انویسٹمنٹ فیسلیٹیشن کونسل (ایس آئی ایف سی) کاروباری ماحول کوں مزید چنڳاں کرݨ سانڳے اقدامات کیتن ۔ لیپ 2025 اچ پاک-سعودی بزنس فورم اچ ڈیجیٹل کوآپریشن آرگنائزیشن (ڈی سی او) دی سیکرٹری جنرل دیما الیحییٰ ، سعودی حکومتی و کاروباری شخصیات اتے وݙی تعداد اچ پاکستانی و سعودی شہریاں وی فورم اچ شرکت کیتی اے