بلوچستان، خیبر پختونخوا، کشمیر تے گلگت بلتستان اچ کجھ جہیں تے مینھ وسݨ /برف پووݨ دا امکان

اسلام آباد۔9فروری(اے پی پی) آندے 24 گھنٹے شمال مغربی بلوچستان، اُتلے خیبر پختونخوا، کشمیر تے گلگت بلتستان اچ موسم جُھڑ آلا رہݨ دے علاوہ کجھ جہیں تے مینھ / برف پووݨ دا امکان اے ۔ محکمہ موسمیات موجب آندے چووی گھنٹے تئیں ملک دیاں ٻہوں ساریاں جہیں تے موسم ٹھڈا تے رُکھا رہݨ دا امکان اے ۔ گزریل چووی گھنٹے ملک دے ٻہوں سارے علاقیں اچ موسم ٹھڈا تے رُکھا رہیا جݙاں جو پہاڑی علاقیں اچ ٻہوں پالا پئے ۔ اتوار دے ݙینھ ریکارڈ کیتے ڳئے گھٹ توں گھٹ درجہ حرارت دی رپورٹ موجب لہہ اچ درجہ حرارت منفی7، سکردو، گوپس منفی 6، بگروٹ، ہنزہ، پاڑہ چنار منفی 3، کالام منفی 2، کاکول، راولاکوٹ اتے گلگت اچ منفی ھک ڈگری سینٹی گریڈ ریکارڈ کیتا ڳئٖے۔