پاکستان علاقائی و عالمی امن کیتے ہمیشہ پر عزم رہے، قائم مقام صدر مملکت

سلام آباد۔10فروری(اے پی پی):قائم مقام صدر سید یوسف رضا گیلانی آکھیے جو اقوام متحدہ دے امن مشنز اچ پاکستان دی خدمات عالمی امن دے عزم دا ثبوت ہین، پاکستان علاقائی و عالمی امن کیتے ہمیشہ پر عزم رہے۔ قائم مقام صدر سید یوسف رضا گیلانی کمانڈ اینڈ سٹاف کالج کوئٹہ دے زیر تربیت ملکی و غیر ملکی افسران نال ایوان صدر اچ خطاب کیتے اتے آکھیے جو پیشہ ورانہ افسران نال مل تے ماݨ سمڄھینداں، برطانیہ، چین، ترکی، سعودی عرب سودھا کئی دوست ممالک دے افسران دا ہووݨ عالمی تعاون دی علامت اے۔ قائم مقام صدر سید یوسف رضا گیلانی آکھیے جو کمانڈ اینڈ سٹاف کالج کوئٹہ قیادت دی درسگاہ اتے سٹریٹجک ذہناں دا مرکز اے، جدید دور اچ سکیورٹی چیلنجز اچ ہائبرڈ وار فیئر، سائبر خطرات اتے غیر روایتی جنگی حکمت عملی شامل ہین۔ انہاں آکھیا جو چیلنجاں دا سامݨا کرݨ کیتے جدت، موافقت اتے دور اندیشی اپنائی ونڄے، پاکستان اپݨی دفاعی صلاحیتاں کوں جدت ݙیوݨ اتے مسلح افواج کوں ٻیا تکڑا کرݨ کیتے پرعزم اے، قومی یکجہتی اتے عوام دا اعتماد پاکستان دی اصل طاقت اے۔ قائم مقام صدر آکھیا جو قیادت دے بنیادی اصول دیانتداری، ہمت اتے خدمت ہمیشہ برقرار رکھو، بین الاقوامی فوجی تعاون دے فروغ اچ کمانڈ اینڈ سٹاف کالج دا کردار اہم اے، پاکستان اپݨے افسران دی خدمات تے ماݨ کریندے، عالمی برادری نال تعلقات ٻئے تکڑے تھیسن۔