دبئی۔11فروری(اے پی پی)وزیراعظم محمد شہباز شریف لیبیا دے ساحل تے کشتی دے حادثے اچ پاکستانیاں دے مرݨ تے افسوس کریندے آکھیے جو انسانی سمگلنگ ڄھیں مکروہ عمل اچ ملوث عناصر دے خلاف سخت کارروائی کیتی ویسی۔ وزیراعظم حادثے اچ فوت تھیوݨ آلیاں کیتے فاتحہ ݙیندے ورثا کوں مکاݨ ݙتے اتے واقعے دی رپورٹ وی منڳی اے۔ وزیر اعظم وزارت خارجہ حکام کوں آکھیے جو فوت تھیوݨ آلے پاکستانیاں دی شناخت تیکھے مکمل کر تے متاثرہ ٹٻراں کوں فوری امداد ݙتی ونڄے، انہاں آکھیا جو انسانی سمگلنگ اچ ملوث افراد دے خلاف کارروائی یقینی ٻݨائی ویسی اتے ایں سانڳے حکومت ودھ اقدامات کریندی پئی اے۔
