ترکیہ دے صدر رجب طیب اردوان 12 فروری کوں پاکستان 3 ݙینھ دے دورے تے آسن

اسلام آباد۔11فروری(اے پی پی) ترکیہ دے صدر رجب طیب اردوان 12 فروری کوں وزیراعظم محمد شہباز شریف دی دعوت تے پاکستان 3 ݙینھ دے دورے تے آسن۔ صدر اردوان نال انہاں دا اعلیٰ سطح وفد وی ہوسی۔ ترجمان دفتر خارجہ آکھیے جو درے اچ وزیراعظم شہباز شریف اتے صدر اردوان پاک ترک اعلیٰ سطح سٹریٹیجک کوآپریشن کونسل دے ستویں اجلاس دی کٹھی صدارت کریسن جیندے بعد ہک مشترکہ اعلامیہ جاری کتیا ویسی اتے ایں موقع تے کئی اہم معاہداں/ ایم او یوز تے وی دستخط تھیسن۔ ݙوہیں رہنما مشترکہ پریس کانفرنس وی کریسن۔ صدر اردگان، وزیراعظم شہباز شریف اتے صدر آصف علی زرداری نال ملسن اتے پاکستان ترک بزنس اینڈ انویسٹمنٹ فورم نال وی خطاب کریسن۔