دبئی، اسلام آباد۔11فروری(اے پی پی)وزیراعظم شہباز شریف دبئی اچ نائب صدر و وزیر اعظم اتے دبئی دے فرمانروا شیخ محمد بن راشد المکتوم نال ملین۔ شیخ محمد بن راشد المکتوم وزیراعظم دا استقبال کیتے۔ انہاں ݙوطرفہ تعلقات اتے تعاون ٻیا ودھاوݨ، اقتصادی، تجارتی اتے ٻعے شعبیاں اچ ڳانݙھا تکڑا کرݨ تے الائے۔ ملاقات اچ عالمی چیلینجز نال نمٹݨ کیتے ورلڈ گورنمنٹس سمٹ دی اہمیت تے ڳالھ کریندے ترقی دی رفتار …
وزیر اعظم شہباز شریف دی دبئی دے فرمانروا شیخ محمد بن راشد المکتوم نال ملاقات
مزید خبراں
دبئی، اسلام آباد۔11فروری(اے پی پی)وزیراعظم شہباز شریف دبئی اچ نائب صدر و وزیر اعظم اتے دبئی دے فرمانروا شیخ محمد بن راشد المکتوم نال ملین۔ شیخ محمد بن راشد المکتوم وزیراعظم دا استقبال کیتے۔
انہاں ݙوطرفہ تعلقات اتے تعاون ٻیا ودھاوݨ، اقتصادی، تجارتی اتے ٻعے شعبیاں اچ ڳانݙھا تکڑا کرݨ تے الائے۔ ملاقات اچ عالمی چیلینجز نال نمٹݨ کیتے ورلڈ گورنمنٹس سمٹ دی اہمیت تے ڳالھ کریندے ترقی دی رفتار ودھاوݨ اتے بہتر مستقبل سانڳے اقدامات ودھاوݨ دا عزم دوہرائے۔ انہاں مشرق وسطیٰ اچ تھیوݨ آلی پیشرفت، علاقائی اتے بین الاقوامی امور تے ڳالھ مہاڑ کیتی۔ ملاقات اچ علاقائی سلامتی، استحکام اتے امن کیتے بین الاقوامی کوششاں ودھاوݨ تے زور ݙتے۔ وزیراعظم سمٹ اچ شرکت کیتے دعوت ݙیوݨ تے محمد بن راشد المکتوم دا شکریہ ادا کیتے۔ وزیراعظم اماراتی کاروباری اداریاں کوں پاکستان اچ سرمایہ کاری دے مواقع توں فیدہ چاوݨ دی دعوت ݙتی۔ ملاقات اچ ݙوہاں رہنماواں ݙوطرفہ تعاون، اقتصادی و اسٹریٹجک تعاون دیاں نویاں راہیں ڳولݨ کیتے سرگرمیاں جاری رکھݨ تے اتفاق کیتے۔ وزیراعظم یو اے ای اچ وسݨ آلے پاکستانیاں دی مستقل حمایت اتے ݙیکھ ٻھال تے یو اے ای قیادت دا شکریہ ادا کیتے۔ شیخ محمد بن راشد پاکستانی تارکین وطن دے تعاون اتے متحدہ عرب امارات دی ترقی اچ پاکستانیاں دے کردار دی تعریف کیتی۔
