پاکستان تے ترکیہ وچال مختلف شعبیں اچ سانجھا تعاون ودھاوݨ سانڳے 24معاہدیں، مفاہمت دی یادداشتاں تے دستخط ،وزیراعظم اتے ترک صدر ایچ ایل ایس سی سی دے ستویں اجلاس دے مشترکہ اعلامیہ تے دستخط کیتن

اسلام آباد۔13فروری(اے پی پی) پاکستان اتے ترکیہ تجارت ،خزانہ ، دفاع ، سائنس تے ٹیکنالوجی، توانائی، اطلاعات و نشریات ، تعلیم ، صحت، غذائی تحفظ، آبی وسائل، مذہبی امور سودھے مختلف شعبیں اچ سانجھے تعاون تے اشتراک کار دے ودھارے سانڳے 24معاہدیں، پروٹوکولز اتے مفاہمت دی یادداشتاں تے دستخط تے دستاویزات دا تبادلہ کیتے۔ پاکستان ترکیہ اعلیٰ سطحی تزویراتی تعاون کونسل دے اجلاس دے بعد وزیراعظم ہائوس اچ منعقدہ دستخطاں دی باضابطہ تقریب اچ وزیراعظم محمد شہبازشریف اتے ترکیہ دے صدر رجب طیب اردوان شرکت کیتی۔ وزیراعظم پاکستان تے ترکیہ دے صدر پاکستان تے ترکیہ وچال تزویراتی شراکت داری کوں مزید گھاٹا کرݨ تے متنوع بݨاوݨ تے ادارہ جاتی شکل ݙیوݨ سانڳے پاکستان۔ ترکیہ ایچ ایل ایس سی سی دے ستویں اجلاس دے مشترکہ اعلامیہ تے دستخط کیتن۔ایں موقع تے ݙوہیں پاسوں دستخط شدہ 24معاہدیں ،پروٹوکولز ، اعلامیں تے ایم او یوزدا تبادلہ کیتا ڳئے۔تفصیل موجب سماجی تے ثقافتی مقصد سانڳے فوجی اتے سویلین اہلکاراں دے تبادلے تے مفاہمت دی یادداشت ،ایئر فورس الیکٹرانک وارفیئر اچ تعاون بارے مفاہمت دی یادداشت اتے ملٹری ہیلتھ دے شعبے اچ تربیت اتے تعاون متعلق پروٹوکول تے وزیر دفاع خواجہ محمد آصف اتے ترک وزیر دفاع یوشار گلیر دستخط کیتن۔ ہائیڈرو کاربن دے شعبے اچ تعاون دے معاہدے اچ ترمیم دے پروٹوکول ، انرجی ٹرانزیشن دے شعبے اچ تعاون تے مفاہمت دی یادداشت اتے کان کنی دے شعبے اچ تعاون تے مفاہمت دی یادداشت تے وزیر توانائی سردار اویس احمد خان لغاری اتے ترک وزیر توانائی اتے قدرتی وسائل الپرسلان بیرکتر دستخط کیتن۔ مصنوعات دی تجارت دے معاہدے کوں اپ گریڈ کرݨِ دے عزم تے مشترکہ وزارتی بیان تے تجارت اچ استعمال تھیوݨ آلے اصل سرٹیفکیٹس دی تصدیق دی ڈیجیٹلائزیشن دے حوالے نال مفاہمت دی یادداشت تے وزیر تجارت جام کمال خان اتے ترک وزیر تجارت عمر بولت دستخط کیتن۔زرعی بج دے شعبے اچ تعاون دے معاہدے اتے آبی شعبے اچ تعاون دے معاہدے تے وزیر نیشنل فوڈ سکیورٹی اینڈ ریسرچ رانا تنویر حسین اتے ترک وزیر وزیر زراعت تے جنگلات ابراہیم یومکلی دستخط کیتن۔ لیگل میٹرولوجی انفراسٹرکچر دے قیام بارے مفاہمت دی یادداشت اتے پاکستان۔ترکیہ ٹیکسٹائل ٹیکنالوجی سنٹر دی تکنیکی معاونت تے ترقی سانڳے سائنسی اتے تکنیکی ریسرچ کونسل ترکیہ اینڈ ٹیکنالوجی اتے نیشنل ٹیکسٹائل یونیورسٹی (این ٹی یو) فیصل آباد وچال مفاہمت دی یادداشت تے وزیر تعلیم و پیشہ ورانہ تربیت ڈاکٹر خالد مقبول صدیقی اتے ترک صنعت اتے ٹیکنالوجی دے وزیرمحمد فتح کاکر دستخط کیتن۔ ایکسپورٹ کریڈٹ بینک آف ترکیہ اتے ایکسپورٹ امپورٹ بینک آف پاکستان وچال ایم او یو بارے اعلامیہ تے پاکستان دی طرفوں وزیر خزانہ محمد اورنگزیب اتے ترکیہ دی طرفوں وزیر تجارت عمر بولت دستخط کیتن ۔ صنعتی املاک دے شعبے اچ تعاون تے مفاہمت دی یادداشت تے وزیر تجارت جام کمال خان اتے ترک وزیر صنعت و ٹیکنالوجی محمد فتح کاکرا دستخط کیتن۔ دینی خدمات اتے مذہبی تعلیم دے شعبیں اچ تعاون بارے مفاہمت دی یادداشت تے وزیر مذہبی امور و بین المذاہب ہم آہنگی چوہدری سالک حسین اتے مذہبی امورترکیہ دے صدر پروفیسر ڈاکٹر علی ارباش دستخط کیتن۔ حلال تجارت اچ تعاون سانڳے مفاہمت دی یادداشت تے وزیر سائنس و ٹیکنالوجی ڈاکٹر خالد مقبول صدیقی اتے ترک وزیر تجارت عمر بولت دستخط کیتن۔مرکزی بینک آف ترکیہ (سی بی آر ٹی) اتے سٹیٹ بینک آف پاکستان (ایس بی پی) وچال تکنیکی تعاون دے شعبے اچ مفاہمت دی یادداشت تے وزیر خزانہ محمد اورنگزیب اتے ترک وزیر خارجہ حقان فیدان دستخط کیتن۔ وزارت اطلاعات و نشریات متعلق ݙوایم او یوز طے پاتن۔ تعلقات عامہ اتے کمیونیکیشنزدے شعبے اچ تعاون بارے مفاہمت دی یادداشت اتے میڈیاو کمیونیکیشن دے شعبے اچ تعاون سانڳے مفاہمت دی یادداشت تے وزیر اطلاعات و نشریات عطاء اللہ تارڑ اتے ترکیہ دے کمیونیکیشنز دے ڈائریکٹرفخر الدین التون دستخط کیتن ۔ صحت اتے دوا سازی دے شعبے اچ تکنیکی تعاون متعلق مفاہمت دی یادداشت تے وزیر نیشنل فوڈ سکیورٹی اینڈ ریسرچ رانا تنویر حسین تے ترک وزیرخارجہ حقان فیدان دستخط کیتن ۔ترکش ایرو اسپیس انڈسٹریز تے پاکستان دے نیول ریسرچ اینڈ ڈویلپمنٹ انسٹی ٹیوٹ وچال مفاہمت دی یادداشت تے ڈی جی این آر ڈی آئی پاکستان نیوی، رئیرایڈمرل جاوید اقبال اتے ترک ایرو اسپیس انڈسٹریز دےڈی جی ڈاکٹر مہمت دیمیر اوغلو دستخط کیتن ۔ ترکیہ دفاعی صنعت دے سیکرٹریٹ اتے وزارت دفاعی پیداوارپاکستان وچال مفاہمت دی یادداشت تے وزیر دفاع خواجہ محمد آصف اتے ترک سیکرٹری دفاعی صنعت ہالوک گورکن دستخط کیتے۔ثقافتی تعاون دے معاہدے اتے آڈیو ویژول سروسز اچ کوپروڈکشن سانڳے معاہدے تے وزیر قومی ورثہ و ثقافت ڈویژن عطاء اللہ تارڑ اتے وزیرخارجہ حقان فیدان دستخط کیتن۔ ایں توں انڄ پاکستان ترکیہ بزنس فورم وچال مفاہمت دی ݙو یادداشتاں تے وی دستخط کیتے ڳئن۔