وزیراعظم دی ترکیہ دے سرمایہ کاراں اتے کاروباری شخصیات کوں سرمایہ کاری اتے تجارت کیتے ہر قسم دے تعاون اتے سہولتاں ݙیوݨ دا یقین، ترک صدر داتجارت اتے سرمایہ کاری موقعیاں توں فیدہ چاوݨ اتے مختلف شعبیاں اچ تعاون ودھاوݨ دا عزم

اسلام آباد۔13فروری  (اے پی پی) وزیراعظم محمد شہباز شریف ترکیہ دے سرمایہ کاراں اتے کاروباری شخصیات کوں سرمایہ کاری  اتے تجارت کیتے ہر قسم دے تعاون اتے سہولتاں ݙیوݨ دا یقین، ترک صدر داتجارت اتے سرمایہ کاری موقعیاں توں فیدہ چاوݨ اتے مختلف شعبیاں اچ تعاون ودھاوݨ دا عزم کیتا اتے ݙوپاسہ تجارتی حجم پنڄ ارب ڈالر تئیں ڳھں ونجݨ دا عزم کیتا۔ جڈانجو ترک صدر رجب طیب ایردوان مختلف شعبیاں اچ تعاون ودھاوݨ دا عزم کریندیں ہوئیں آکھیا جو ݙوہیں ملکاں وچال تجارت اتے سرمایہ کاری دے ٻہوں موقع موجود ہن۔ طے تھیوݨ آلے معاہدیاں اتے ایم او یوز نال ݙوہیں ملکاں وچال مختلف شعبیاں اچ تعاون ودھسی، اقتصادی راہداری منصوبہ تجارت کیتے اہم اے، پاکستان اتے ترکیہ رل تے خطے اچ امن تے ترقی کیتے کردار نبھا سڳدن۔ اے ڳالھیں انہاں خمیس کوں پاکستان ترکیہ بزنس فورم نال خطاب کریندیں ہوئیں آکھی۔ وزیراعظم محمد شہباز شریف آکھیا جو اساں ݙوپاسہ دوستانہ تعلقات کوں ودھاوݨ بارے ڳالھ کیتی اے۔ انہاں آکھیا جو صدر رجب طیب ایردوان دی دانشمندانہ قیادت اچ ترکیہ دی فعال معیشت جدید ٹیکنالوجی تے اے اتے یورپی معیارات تے پوری لہندی اے۔ صدر  رجب طیب ایردوان امت مسلمہ دی آواز ہن، انہاں ہمیشہ غزہ،  فلسطین اتے کشمیر دے معصوم اتے مظلوم مسلماناں کیتے آواز چاتی اے۔ پاکستان وی ہمیشہ فلسطین اتے کشمیر دی عوام دی آزادی کیتے انہاں دی آواز نال آواز رَلا تے کھڑے۔ انہاں آکھیا جو سابق وزیراعظم نواز شریف دے دور اچ ݙوہیں ملکاں وچال تجارت اتے سرمایہ کاری بلند سطح تے ہئی۔ اڄ اساں مختلف مفاہمت دی یادداشتاں اتے معاہدیاں تے دستخط کیتن۔  وزیراعظم کاروباری (بی ٹو بی )اتے  حکومتی سطحح (جی ٹو جی ) تے ایں بارے ہر قسم دی کوششاں دی حمایت کیتی۔ انہاں ترکیہ سرمایہ کاراں اتے کاروباری شخصیات کوں یقین ݙوایا جو پاکستان اچ سرمایہ کاری، درآمدات اتے برآمدات تے انہاں کوں ہر قسم دا تعاون اتے سہولت ݙتی ویسی۔ وزیراعظم آکھیا جو اساکوں صدر طیب ایردوان دی قیادت اتے صلاحیتوں تے فخر اے، اساں پاکستان اتے ترکیہ دی دوستی اتے آپسی تعلقات کوں ٻیا ودھاوݨ کیتے پرعزم ہیسے۔ تقریب توں خطاب کریندیں ہوئیں ترکیہ دے صدر رجب طیب ایردوان آکھیا جو انہاں کوں آپݨے دوست وزیراعظم شہباز شریف نال مل تے بہوں خوشی تھئی اے۔ ایں تقریب توں پاکستان اتے ترکیہ دے تاجراں کوں ہک ٻئے دے نیڑے آوݨ دا موقع ملسی۔ انہاں آکھای جو ݙوہیں ملکاں وچال تجارت مسلسل ودھسی پئی اے۔ گزریل سال ݙوہیں ملکاں اچ تجارت دے حجم اچ 30 فیصد ودھارا تھیے جڈانجو پنڄ ارب ڈالر دے تجارتی حجم دے ہدف کیتے آپݨی ساری صلاحیتاں کوں استعمال کرݨ دی لوڑھ اے۔  صدر رجب طیب ایردوان آکھیا جو اساکوں سانجھی ریل ٹرانسپورٹیشن خصوصی طور اسلام آبادتہران استنبول فریٹ ٹرین لائن کوں ٻیا فعال ٻݨاوݨا چاہیدے۔ پاکستانی عوام ہمیشہ اوکھے ویلھے ترکیہ دا ساتھ ݙتے۔ ݙوہیں ملکاں وچال تجارت اتے سرمایہ کاری دے ٻہوں موقع موجود ہن۔ طے تھیوݨ آلے معاہدیاں اتے ایم او یوز نال ݙوہیں ملکاں وچال مختلف شعبیاں اچ تعاون ودھسی، اقتصادی راہداری منصوبہ تجارت کیتے اہم اے، پاکستان اتے ترکیہ رل تے خطے اچ امن تے ترقی کیتے کردار نبھا سڳدن۔ غزہ دی صورتحال دا ذکر کریندیں ہوئیں انہاں آکھیا جو اسرائیل غزہ اچ ٻہوں ظلم کیتے۔ ایں جنگ اچ ہزاراں فلسطینی شہید تھین۔ جنگ بندی دے بعد غزہ اچ صورتحال بہتر تھئی اے اتے غزہ دے شہریاں کوں کلھا نہ چھڑیسوں۔ انہاں آکھیا جو اڄ اساں جیڑھے معاہدیاں اتے دستاویزات تے دستخط کیتن انہاں نال ݙوہیں ملکاں وچال مختلف شعبیاں اچ تعاون ودھسی۔ انہاں آکھیا جو قوم دے بہتر مستقبل کیتے سخت محنت کرݨی پوسی۔ انہاں آکھیا جو شاندار استقبال اتے مزمان نوازی تے پاکستانی ٻھیݨ ٻھراواں دا شکریہ ادا کرینداں۔