غیر قانونی تارکین وطن دے مسئلے، عمرہ زائرین دی آڑ اچ ٻاہرلے ملک خیرات منڳݨ سویں مسئلیاں تے کم تھیندا پئے، وفاقی وزیر قانون

اسلام آباد۔14فروری  (اے پی پی) وفاقی وزیر قانون اعظم نذیر تارڑ آکھیا جو غیر قانونی تارکین وطن دے مسئلے، عمرہ زائرین دی آڑ اچ ٻاہرلے ملک خیرات منڳݨ سویں مسئلیاں تے کم تھیندا پئے۔ جمعے کوں سینیٹ اچ انہاں آکھیا جو اے حقیقت اے جو غیر قانونی ہجرت پاروں ٻیڑیاں دے حادثیاں اچ کئی قیمتی جاناں ضائع تھین۔ جو ہک انسانی بحران ٻݨدا ویندے۔ اینویں عمرے دے ویزے تے ونڄ تے خیرات منڳݨ آلے لوک نہ صرف پاکستان دی بدنامی کریندن بلکہ اے میزبان ملک دے قانون دی خلاف ورزی اے۔ انہاں آکھیا جو اگر حکومت ایں بارے سخت قوانین ڳھدی آندی اے تاں اے ہک چنڳی ڳالھ اے۔ غیر قانونی تارکین وطن دے مسئلے، عمرہ زائرین دی آڑ اچ ٻاہرلے ملک خیرات منڳݨ سویں مسئلیاں تے کم تھیندا پئے۔