اسلام آباد۔15فروری (اے پی پی) وفاقی وزیر خزانہ سینیٹر محمد اورنگزیب پہلی اعلیٰ سطحی سالانہ العلا کانفرنس فار ایمرجنگ مارکیٹ اکانومیزاچ شرکت کیتے سعودی عرب روانہ تھی ڳئے۔ وزارت خزانہ توں چھݨ چھݨ کوں جاری اعلامیہ موجب وزیر خزانہ آپݨے سعودی ہم منصب محمد الجدان دی خصوصی دعوت تے سعودی عرب دے قدیم تاریخی شہر العلا اچ 16 فروری توں شروع تھیوݨ آلی ݙو ݙینھ دی کانفرنس اچ شریک تھیسن۔ دورے اچ وزیر خزانہ دے مشیر خرم شہزاد وی انہاں دے نال ہوسن۔ ” العلا کانفرنس فار ایمرجنگ مارکیٹ اکانومیز” انٹرنیشنل مانٹری فنڈ(آئی ایم ایف) اتے سعودی وزارت خزانہ دی سانجھی نال تھیندی پئی اے۔ کانفرنس اچ مجموعی طور 9 نشتساں تھیسن جئیں اچ 200 شرکا اتے 36 مقررین شریک تھیسن۔ کانفرنس اچ 48 ملکاں کوں سݙیا ڳئے۔ وزیر خزانہ کانفرنس اچ “ابھردی ہوئی پر استقلال منڈیاں دا راہ” دے موضوع تے ہک اعلیٰ سطحی پینل مباحثے اچ شریک تھیسن۔
