اسلام آباد۔15فروری (اے پی پی) وفاقی وزیر داخلہ محسن نقوی آکھیا جو دہشت گردی ہک بین الاقوامی مسئلہ اے ایں نال نٻڑݨ کیتے عالمی برادری کوں رَل تے کم کرݨا پوسی۔ پاکستان اتے امریکا وچال بہترین تعلقات ہن جیڑھے کو کئی ڈھاکیاں دے ہن، پاکستان دے قانون نافذ کرݨ آلے اداریاں دی استعداد ودھاوݨ اچ امریکی تعاون ٻہوں اہمیت رکھیندے۔ وزارت داخلہ توں چھݨ چھݨ کوں جاری اعلامیہ موجب وفاقی …
وفاقی وزیر داخلہ نال امریکی قائم مقام سفیر نیٹلی بیکر دی ملاقات
مزید خبراں
اسلام آباد۔15فروری (اے پی پی) وفاقی وزیر داخلہ محسن نقوی آکھیا جو دہشت گردی ہک بین الاقوامی مسئلہ اے ایں نال نٻڑݨ کیتے عالمی برادری کوں رَل تے کم کرݨا پوسی۔ پاکستان اتے امریکا وچال بہترین تعلقات ہن جیڑھے کو کئی ڈھاکیاں دے ہن، پاکستان دے قانون نافذ کرݨ آلے اداریاں دی استعداد ودھاوݨ اچ امریکی تعاون ٻہوں اہمیت رکھیندے۔ وزارت داخلہ توں چھݨ چھݨ کوں جاری اعلامیہ موجب وفاقی وزیر داخلہ محسن نقوی نال امریکا دی قائم مقام سفیر نیٹلی بیکر ملاقات کیتی۔ ایں موقع تے پاکستان امریکا تعلقات، آپسی دلچسپی دے معاملے سودھے ݙوپاسہ تعاون ودھاوݨ تے ڳالھ کیتی ڳئی۔ ملاقات اچ وزیر داخلہ محسن نقوی دے اڄوکے دورہ امریکہ بارے وی ڳالھ مہاڑ تھئی۔ وفاقی وزیر داخلہ قائم مقام امریکی سفیر نیٹلی بیکر نال ڳالھ مہاڑ کریندیں ہوئیں آکھیا جو دورہ امریکا اچ امریکی کانگرس دے اراکین نال ملاقاتاں ٻہوں مثبت رہین۔ محسن نقوی امید کیتی جو صدر ڈونلڈ ٹرمپ دے دور اچ پاک امریکہ تعلقات ٻئے ودھسن۔ محسن نقوی قائمقام امریکی سفیر کوں اسلام آباد دے جشن بہاراں پروگرام اچ شرکت دی وی دعوت ݙتی۔
