وفاقی وزیر خزانہ سینیٹر محمد اورنگزیب سعودی عرب دے تاریخی شہر العلا اچ العلا کانفرنس فار ایمرجنگ مارکیٹ اکانومیز اچ پاکستان دی نمائندگی کریندے پئن

اسلام آباد/العلا۔16فروری  (اے پی پی) وفاقی وزیر خزانہ سینیٹر محمد اورنگزیب سعودی عرب دے تاریخی شہر العلا اچ العلا کانفرنس فار ایمرجنگ مارکیٹ اکانومیز  اچ  پاکستان دی نمائندگی کریندے پئن۔ وزارت خزانہ توں آݙت وار کوں جاری اعلامیہ موجب  وفاقی وزیر خزانہ   سعودی ہم منصب محمد الجدان دی خصوصی دعوت تے کانفرنس اچ شریک ہن۔ کانفرنس آئی ایم ایف اتے سعودی وزارت خزانہ دی سانجھ نال تھیندی پئی اے۔ کانفرنس اچ 200 شرکا، 36 مقررین اتے 48 ملکاں دے نمائندے شریک ہن۔ وفاقی وزیر خزانہ سینیٹر محمد اورنگزیب ’’ابھردی ہوئی پر استقلال منڈیاں دا راہ‘‘دے موضوع تے اعلیٰ سطحی پینل مباحثے اچ شریک تھیسن۔ پینل مباحثے دی میزبانی آئی ایم ایف دی ایم ڈی کرسٹالینا جارجیوا کریسن جڈانجو مصر، برازیل اتے ترکیہ دے وزرائے خزانہ وی مباحثے اچ شریک تھیسن۔