واشنگٹن ۔17فروری (اے پی پی) امریکا دے نمائندہ خصوصی برائے مشرق وسطیٰ سٹیو وٹکوف آکھیا جو فلسطینی عسکری تنظیم اتے اسرائیل وچال ݙوجھے مرحلے دے مذاکرات ایں ہفتے جاری رہسن۔ سٹیو وٹکوف گزریل ݙینھ ہک انٹرویو اچ آکھیاجوانہاں دی اسرائیلی وزیراعظم نیتن یاہو، قطر دے وزیراعظم شیخ محد بن عبدالرحمان الثانی اتے مصر دے انٹیلی جنس دے ڈائریکٹر جنرل نال ڳالھ تھئی اے۔ انہاں آکھیا جو انہاں دی فیز ٹو دے مذاکرات دی ترتیب اتے ݙوہیں پاسوں دے موقف کوں سامھے ڳھن آوݨ بارے ڳالھ تھئی اے تانجو پتہ لڳے جو اساں کتھ کھڑوں۔
