لاہور۔17فروری (اے پی پی) آئی سی سی چیمپئنز ٹرافی کھیݙݨ آسٹریلین کرکٹ ٹیم ݙو دستیاں اچ پاکستان پڄ ڳئی۔ آسٹریلین کرکٹ ٹیم دا ݙوجھا دستہ وی لاہور پڄ ڳئے۔ 15 کھݙاریاں سودھے 17 رکنی وفد کولمبو توں دبئی دے رستے لاہور پڄ ڳئے۔ ترجمان پی سی بی موجب لاہور پڄݨ آلے آسٹریلوی کھݙاریاں اچ مارنس لبوشین، گلین میکسویل، ٹریوس ہیڈ، میتھیو شارٹ اتے ایڈم زمپا وی شامل ہن۔آسٹریلیا آئی سی سی چیمپئنز ٹرافی اچ آپݨا پہلا میچ روایتی حریف انگلینڈ دے خلاف 22 فروری کوں قذافی سٹیڈیم لاہور اچ کھیݙسی۔ آئی سی سی چیمپئنز ٹرافی اچ آسٹریلیا دا ݙوجھا میچ 25 فروری کوں سائوتھ افریقہ نال راولپنڈی کرکٹ سٹیڈیم اچ تھیسی۔
