اسلام آباد۔18فروری (اے پی پی) انٹرنیشنل کرکٹ کونسل ولوں اہتمام آئی سی سی چیمپئنز ٹرافی دا نانواں ایڈیشن بدھ توں پاکستان اچ شروع تھیسی جئیں اچ 8 ٹیماں ٹائٹل جتݨ کیتے آپت اچ کھیݙسن۔ پہلا میچ پاکستان اتے نیوزی لینڈ وچال کراچی اچ کھیݙیا ویسی۔ آئی سی سی چیمپئنز ٹرافی دے نانویں ایڈیشن دی میزبانی پاکستان اتے متحدہ عرب امارات کریسن۔ آئی سی سی چیمپئنز ٹرافی اچ شامل اٹھ ٹیماں اچ میزبان دفاعی چیمپئن پاکستان، بنگلہ دیش،افغانستان،بھارت،نیوزی لینڈ،انگلینڈ ،آسٹریلیا اتے جنوبی افریقا شامل ہن۔ پاکستان دی ٹیم آئی سی سی چیمپئنز ٹرافی اچ دفاعی چیمپئن اے۔ اٹھ ٹیماں کوں ݙوگروپاں اچ ونڈیا ڳئے۔ گروپ اے اچ دفاعی چیمپئن پاکستان،بنگلہ دیش ،بھارت اتے نیوزی لینڈ دی ٹیماں شامل ہن جڈانجو گروپ بی اچ افغانستان،آسٹریلیا،انگلینڈ اتے جنوبی افریقا دی ٹیماں شامل ہن۔
