اسلام آباد۔18فروری (اے پی پی) قومی اسمبلی کشمیری عوام نال اظہاریکجہتی دی قرارداد دی متفقہ طور منظوری ݙے ݙتی اے۔منگل کوں قومی اسمبلی دے اجلاس اچ وفاقی وزیرامورکشمیروگلگت بلتستان انجینئر امیر مقام ایں بارے ایوان اچ قرارداد پیش کیتی۔ قرارداد دے متن اچ آکھیا ڳئیا جو ہر سال پنڄ فروری کوں یوم اظہاریکجہتی دے موقع تے پوری قوم آپݨے کشمیری ٻھیݨ ٻھراواں نال یکجہتی کریندی اے تانجو کشمیریاں دے حق خودارادیت دی جدودجہد اچ انہاں نال یکجہتی کیتی ونڄ سڳے۔ سلامتی کونسل دی قرار داداں اتے کشمیری عوام دی امنگاں دے مطابق تنازعہ کشمیر دا حل جنوبی ایشیا اچ امن کیتے ضروری اے۔اے ایوان کشمیری عوام دی انہاں دی ناقابل تنسیخ حق خودارادیت ڳھنݨ کیتے منصفانہ جدوجہد کیتے پاکستان دی غیرمتزلزل اخلاقی،سیاسی اتے سفارتی حمایت دا اعادہ کریندے۔ ایوان ہندوستان دے غیر قانونی طور قبضہ جموں و کشمیر دی لوکاں دی بہادری، صوصلے اتے قربانیاں کوں خراج تحسین پیش کریندے۔ ایوان ہندوستان دے غیر قانونی طور زیرقبضہ جموں و کشمیر تے خصوصی طور پںج اگست 2019 دے اوندے غیر قانونی اتے ہک پاسہ اقدامات اچ آپݨے قبضے کوں پکا کرݨ اتے اوندی بین الاقوامی سطح تے منی ڳئی متنازعہ حیثیت کوں نقصان پڄاوݨ کیتے بھارت دی کوششاں تے تشویش کریندے۔ قرارداد دی منظوردی دے بعد انجینئرامیرمقام سارے اراکین دا شکریہ ادا کیتا۔
