لاہور۔18فروری (اے پی پی) وفاقی وزیرداخلہ محسن نقوی شہید لیفٹیننٹ محمد حسان اشرف دے گھر واپڈا ٹائون لاہور ونڄ تے شہید دے والد محمد اشرف، بھرا محمد حنان اشرف اتے ٻئے گھر آلیاں نال ملاقات کیتی اتے نینگر پتر دی شہادت تے والد اتے سوگوار ٹٻر نال تعزیت کیتی۔ انہاں شہید لیفٹیننٹ محمد حسان اشرف دے والد اتے بھرا کوں حوصلہ کیتا۔ وزیرداخلہ محسن نقوی شہید لیفٹیننٹ محمد حسان اشرف دی بہادری کوں زبردست الفاظ اچ خراج عقیدت پیش کریندیں ہوئیں شہید لیفٹیننٹ محمد حسان اشرف دے والد اتے بھرا دے حوصلے دی تعریف کیتی۔ انہاں شہید لیفٹیننٹ محمد حسان اشرف دے ایصال ثواب کیتے فاتحہ خوانی کیتے اتے سوگوار ٹبر کیتے صبر جمیل دی دعا کیتی۔ انہاں آکھیا جو شہید لیفٹیننٹ محمد حسان اشرف خوارجی دہشتگرداں دے خلاف بہادری نال لڑدیں ہوئین وطن تے جان نچھاور کیتی۔ لیفٹیننٹ محمد حسان اشرف سویں بہادر سپوت قوم دا فخر ہن۔
