اسلام آباد۔18فروری(اے پی پی)وزیراعظم محمد شہباز شریف آکھیے جو پاکستان اتے ترکیہ وچال ݙوطرفہ تجارتی حجم 5 ارب ڈالر تئیں ڳھن ونڄݨ کیتے پرعزم ہیں، اڑان پاکستان سودھا اقتصادی ایجنڈے کوں پورا کرݨ کیتے سخت محنت کرݨی ہوسی۔ اے ڳآلھ انہاں اسلام آباد اچ وفاقی کابینہ دے اجلاس نال خطاب اچ آکھی۔ انہاں آکھیا جو پاکستان اتے ترکیہ ہمیشہ سارے عالمی فورمز تے ہک ٻئے دی حمایت کیتی اے، ݙوہاں ملکاں وچال برادرانہ تعلقاات ہین، ترک صدر دے دورے اچ کئی مفاہمت دی یادداشتاں تے دستخط کیتے ڳن، وزارت تجارت اتے ٻیاں متعلقہ وزارتاں 5 ارب ڈالر دے ݙوطرفہ تجارتی ہدف سانڳے رل تے کم کرن۔ انہاں آکھیا جو اسلام آباد اچ ریکارڈ ویلھے اچ مکمل تھیوݨ آلے فلائی اوور کوں پاکستانی عوام دی محبت دی علامت دے طور تے صدر رجب طیب ایردوان دے ناں نال منسوب کیتا گئے۔ وزیراعظم گیلپ سروے دا خیر مقدم کیتے جیندے مطابق تقریباً 55 فیصد لوکاں حکومت دی کاروبار دوست پالیسیاں تے اعتماد ݙکھائے۔ انہاں ورلڈ بینک دے ڈائریکٹرز دے وفد نال ملݨ دا وی ݙسایا جو اصلاحات دے ایجنڈے اتے میکرو اکنامک استحکام تے اطمینان کیتا ڳئے۔ وزیراعظم آکھیے جو ملک اچ امن معاشی خوشحالی نال جڑیا ہوئے جیندے نال ترقی دا پہیہ تیزی نال چلسی، معاشی استحکام کیتے سازگار ماحول دی لوڑھ اے۔ وزیراعظم سکیورٹی فورسز کوں وی خراج تحسین پیش کیتے جیندے افسران اتے اہلکار ملک دے تحفظ کیتے اپݨیاں جاناں ݙیندے پن۔
