راولپنڈی۔18فروری(اے پی پی)جنوبی وزیرستان اچ سکیورٹی فورسز دہشتگرداں دے ہووݨ دی ݙس تے سراروغہ دے علاقے اچ کارروائی کیتی اے جیندے اچ 30 دہشت گرد جہنم واصل کیتے ڳن۔ آئی ایس پی آر ݙسائے جو جنوبی وزیرستان دے علاقے سروروغہ اچ انفارمیشن بیسڈ آپریشن (آئی بی او) کیتا ڳئے جیندے اچ سکیورٹی فورسز موثر انداز اچ دہشت گرداں کوں نشانہ ٻݨائے اتے 30 خوارجی دہشت گرد ہلاک کیتے ڳن۔ علاقے اچ کہیں وی دہشت گرد کوں مکاوݨ کیتے کلیئرنس آپریشن جاری اے۔ آئی ایس پی آر آکھیے جو سکیورٹی فورسز دہشت گردی کوں مکمل مکاوݨ کیتے پرعزم ہین۔
