اسلام آباد۔18فروری(اے پی پی)وفاقی وزیر داخلہ محسن نقوی جنوبی وزیرستان اچ کاروائی کریندے 30 دہشت گرداں کوں جہنم واصل کرݨ تے سکیورٹی فورسز کوں خراج تحسین پیش کیتے۔ اپݨے بیان اچ وزیر داخلہ آکھیا جو سیکیورٹی فورسز کامیاب انٹیلیجنس بیسڈ آپریشن کرتے خوارجی دہشتگرداں دے ناپاک عزائم مٹی اچ ملائن، 30 خوارجی دہشتگرداں کوں عبرتناک انجام تئیں پچاوݨ تے سیکیورٹی فورسز کوں شاباش اے اتے اے ہک وݙی کامیابی اے۔ انہاں آکھیا جو قوم کوں سیکیورٹی فورسز دیاں پیشہ وارانہ صلاحیتاں اتے جرات تے ماݨ اے، خوارجی دہشتگردوں دے خلاف آپریشنز اچ قوم سیکیورٹی فورسز دے نال کھڑی اے۔
