اسلام آباد۔19فروری (اے پی پی) چیئرمین سینیٹ سید یوسف رضا گیلانی دی بارکھان اچ مسافر بس تے دہشت گرداں دے حملے دی مذمت کیتی اے جئیں اچ ست قیمتی جاناں ضائع تھین۔ بدھ کوں آپݨے سنیھے اچ چیئرمین سینیٹ ایں واقعے تے ݙکھ تے افسوس کریندیں ہوئیں آکھیا جو معصوم شہریاں کوں نشانہ ٻݨاوݨ بزدلانہ کم اے۔ سید یوسف رضا گیلانی جاں بحق تھیوݨ آلیاں دے ٹبراں نال تعزیت کریندیں ہوئیں دعا کیتی جو اللہ تعالیٰ مرحومین کوں آپݨے جوارِ رحمت اچ ڄاہ ݙیوے اتے زخمیاں کوں جلدی صحت یاب کرے۔
