نیویارک+اسلام آباد۔19فروری (اے پی پی) نائب وزیراعظم اتے وزیر خارجہ سینیٹر محمد اسحاق ڈار نیویارک اچ اقوام متحدہ دے سیکرٹری جنرل انتونیو گوتیرش نال ملاقات کیتی۔ دفترخارجہ موجب نائب وزیراعظم ایں موقع تے امن سلامتی، ترقی اتے موسمیاتی تبدیلی سودھے عالمی چیلنجز نال نبڑݨ کیتے اقوام متحدہ دے مرکزی کردار کیتے پاکستان دی حمایت دا اعادہ کیتا۔ انہاں سال2025 اتے 2026 اچ اقوام متحدہ دی سلامتی کونسل دے غیر مستقل رکن دی حیثیت نال بین الاقوامی امن اتے سلامتی کوں فروغ ݙیوݨ کیتے پاکستان دا عزم دے نال نال کثیرالجہتی اتے اقوام متحدہ دے چارٹر کیتے پاکستان دی پراݨی وابستگی بشمول اقوام متحدہ دی امن دی کوششاں کوں اجاگرکیتا۔ انہاں اقوام متحدہ دے سیکرٹری جنرل ولوں ”سمٹ آف دی فیوچر“ کراوݨ دا خیر مقدم کریندیں ہوئیں امید کیتی ”پیکٹ فار دی فیوچر“ کیتے معاہدے کوں مکمل طور نافذ کیتا ویسی۔ نائب وزیر اعظم تنازعہ جموں تے کشمیر کوں سلامتی کونسل دی قرارداداں دے مطابق منصفانہ اندازنال حل کرݨ تے زور ݙتا۔ فلسطینی عوام دے خلاف اسرائیل دے مظالم دی مذمت کریندیں ہوئیں نائب وزیر اعظم ݙو ریاستی حل کیتے پاکستان دی غیر متزلزل حمایت دا اعادہ کیتا۔ اقوام متحدہ دے سیکرٹری جنرل انتونیو گوتیرش نائب وزیراعظم دا اقوام متحدہ اچ پاکستان دی فعال شمولیت دے نال نال بین الاقوامی امن تے سلامتی کیتے اقوام متحدہ دے امن مشن اچ کردار ادا کرݨ تے شکریہ ادا کیتا۔ نائب وزیر اعظم اتے وزیر خارجہ ایں ویلھے اقوام متحدہ دی سلامتی کونسل دے اعلیٰ سطحی اجلاس اچ شرکت کیتے نیویارک دے دورے تے ہن۔
