اسلام آباد۔19فروری (اے پی پی) وزیراعظم محمد شہباز شریف بلوچستان دے شہر بارکھان اچ دہشتگردی دی کارروائی اچ بس دے مسافراں دے جاں بحق تھیوݨ تے ݙکھ تے افسوس کیتے۔ بدھ کوں وزیراعظم آفس دے میڈیاونگ توں جاری بیان موجب وزیراعظم جاں بحق تھیوݨ آلیاں کیتے دعائے مغفرت اتے لواحقین کیتے صبر و استقامت دی دعا کیتی۔ وزیراعظم مجرماں کوں جلدی کیفر کردار تئیں پڄاوݨ دی ہدایت کریندیں ہوئیں آکھیا جو نہتے اتے معصوم شہریاں دی جان تے مال دا ضیان کرݨ آلیاں کوں ٻہوں سخت قیمتی ݙیوݨی پوسی۔ وزیراعظم آکھیا جو حکومت اتے سکیورٹی فورسز ملک توں دہشت گردی دے خاتمے کیتے کم کریندی پئی اے۔
