ریاض۔19فروری (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ بدھ کوں سعودی میڈیا گروپ ولوں کانفرنس دے افتتاحی سیشن اچ شریک تھیے۔ ترائے ݙینھ دی کانفرنس 19 فروری توں 21 فروری تئیں ریاض اچ تھیندی پئی اے۔ افتتاحی سیشن اچ پوری دنیا توں عالمی رہنماواں سودھے میڈیا توں تعلق رکھݨ آلی اہم شخصیات شریک ہن۔ کانفرنس اچ سعودی عرب دے وزیر توانائی شہزادہ عبدالعزیز بن سلمان ال سعود وی شریک ہن۔ وفاقی وزیر اطلاعات عطاءاللہ تارڑ دی افتتاحی تقریب دے موقع تے برطانیہ دے سابق وزیراعظم بورس جانسن سودھی اہم شخصیات نال ملاقات وی تھئی۔ میڈیا فورم اچ فیک نیوز، عوامی اعتماد دی بحالی اچ میڈیا اداریاں دے کردار بارے حکمت عملی تے وی غور تھیسی۔ فورم اچ آرٹیفیشل انٹیلی جنس، صحافت دا مستقبل، میڈیا اکنامکس، ڈیجیٹل نظام، مس انفارمیشن، انٹرٹینمنٹ انڈسٹری، ڈیجیٹل سٹریمنگ سویں اہم موضوع تے مباحثے وی تھیسن۔
