اسلام آباد۔ 19 فروری(اے پی پی)دفتر خارجہ دے ترجمان افغان شہریاں نال مبینہ ناروا سلوک بارے قائم مقام افغان ناظم الامور دے دعوے غلط قرار ݙیندے آکھیے جو پاکستان کئی ݙاھاکیاں تئیں لکھاں افغانیاں دی ماݨ نال میزبانی کیتی اے۔ ترجمان قائم مقام افغان ناظم الامور دے ریمارکس بارے میڈیا کوں ولدا ݙیندے آکھیے جو اساں پاکستان اچ غیر قانونی غیر ملکیاں دی وطن واپسی دے منصوبے بارے اسلام آباد اچ قائم مقام افغان ناظم الامور دے ریمارکس دا نوٹس ڳھدے اتے اے دعوے بالکل غلط ہین، پاکستان افغانیاں دی روایتی مہمان نوازی کریندے اپݨے وسائل اتے خدمات بشمول تعلیم و صحت دا خیال رکھیے اتے چنڳی میزبانی کیتی اے، پاکستان 2023 اچ غیر قانونی غیر ملکیاں دی وطن واپسی دا منصوبہ شروع کیتے اتے ایں بارے مناسب طریقہ کار اپنائے جو کہیں نال زیادتی یا بدسلوکی نا تھیوے، اساں افغان شہریاں دی وی سوکھی اتے باوقار طریقے نال وطن واپسی دا خیال رکھیے، پاکستان اپݨی حیثیت دے مطابق ٻہوں کڄھ کیتے، عبوری افغان حکام توں توقع اے جو او افغانستان اچ سازگار حالات ݙیسن تاں جو ولݨ آلے افغانی معاشرے نال مربوط تھیون، اے امتحان ہوسی جو افغان حکام انہاں لوکاں دے حقوق جیندے بارے افغان ناظم الامور آکھیے او افغانستان اچ محفوظ ہوسن۔
