نیویارک/ اسلام آباد۔19 فروری(اے پی پی)نائب وزیراعظم و وزیر خارجہ سینیٹر محمد اسحاق ڈار نیویارک اچ ہنگری دے وزیر خارجہ و وزیر تجارت پیٹر سیجارتو نال ملین اتے ݙوطرفہ کثیر جہتی تعلقات اتے باہمی تعاون دے معاملیاں تے الائے۔ ݙوہاں رہنماواں ݙوطرفہ تجارتی و اقتصادی تعلقات ٻئے تکڑے کرݨ تے وی ڳالھ مہاڑ کیتی۔ ݙوہاں ملکاں وچال سفارتی تعلقات دی 60 ویں سالگرہ سانڳے نائب وزیراعظم و وزیر خارجہ امید کیتی جو ہنگری دے وزیر خارجہ کوں تیکھے پاکستان اچ خوش آمدید آکھیا ویسی اتے تکڑی میزبانی کیتی ویسی۔ انہاں باہمی دلچسپی دے علاقائی و عالمی امور تے الیندے بین الاقوامی امن اتے پائیدار ترقی دے مشترکہ اہداف ودھاوݨ کیتے اقوام متحدہ سودھا کثیرالجہتی فورمز تے تعاون ٻیا تکڑا کرݨ تے اتفاق کیتے۔
