مراکش/ اسلام آباد۔19فروری(اے پی پی)مراکش اچ تھیوݨ آلی گلوبل منسٹریل کانفرنس تے وفاقی وزیر عبدالعلیم خان مختلف ممالک دے وزراء نال ملین۔ انہاں قطر دے وزیر ٹرانسپورٹ شیخ محمد بن عبداللہ الثانی ملاقات کیتی اتے ݙوہاں ملکاں وچال آئل اینڈ گیس سودھا مختلف شعبیاں اچ تعاون سانڳے الایا اتے قطر کوں پاکستان اچ سرمایہ کاری دی دعوت ݙتی۔ کانفرنس اچ ورلڈ بینک روڈ سیفٹی دے گلوبل ہیڈ سعاد داہدا وی وفاقی وزیر مواصلات عبد العلیم خان نال ملین۔ وفاقی وزیر عبدالعلیم خان نال ورلڈ بینک دے گلوبل ڈائریکٹر ٹرانسپورٹ نیکولس پلیٹر ملاقات کیتی۔ وفاقی وزیر مواصلات مراکش اچ جاری گلوبل منسٹریل کانفرنس اچ پاکستان دا موقف پیش کیتے۔ وفاقی وزیر عبدالعلیم خان نال ملݨ ویلھے سعاد داہدا اتے نیکولس پلیٹر ورلڈ بینک ولوں تعاون دا یقین ݙیوائے۔
