کراچی۔ 19 فروری(اے پی پی)پاک بحریہ اتے رائل سعودی نیول فورسز دیاں مشقاں” افعی الساحل ” کراچی اچ مک ڳن۔ پاک فوج دے شعبہ تعلقات عامہ (آئی ایس پی آر) آکھیے جو کمانڈر کوسٹ رئیر ایڈمرل فیصل امین ݙوہاں بحری افواج دے اعلیٰ حکام نال آخری ٹیسٹ مشق ݙٹھی جیندے اچ رائل سعودی بحریہ اتے پاک بحریہ دی سپیشل آپریشن فورسز دیاں ٹیماں مشترکہ تربیتی آپریشنز اچ حصہ ڳھدے۔ مشقاں اچ آر پی جی و مشین گن فائرنگ، کلوز کوارٹرز کمبیٹ، پریکٹیکل ریپیلنگ، یرغمالیاں دی بازیابی، وی بی ایس ایس، ای او ڈی ڈرل، مشن پلاننگ اتے ایریا کلیئرنس ڄھیں جدید طریقہ کار شامل ہن۔
