اسلام آباد۔20فروری (اے پی پی) وفاقی وزیرخزانہ تے محصولات سینیٹر محمداورنگزیب آکھیا جو مینوفیکچرنگ، خدمات اتےتنخواہ دارطبقہ تےٹیکساں دا ٻوجھ غیر متناسب اے، زرعی انکم ٹیکس بارے پیش رفت چنڳی اے، ملک دے فیدے کیتے سارے شعبیاں کوں ٹیکس نیٹ ورک اچ آوݨا پوسی۔ زراعت، ریئل ا سٹیٹ، اتےریٹیل دے شعبیاں کوں آپݨا کردار ادا کرݨا پوسی۔ رائٹ سائزنگ داعمل مرحلہ واربنیاداں تے مشورےنال اڳوں ودھایا ویسی۔ اے ڳالھیں انہاں خمیس کوں پاکستان ریٹیل بزنس کونسل ولوں تھیوݨ آلی کانفرنس توں خطاب کریندیں ہوئیں آکھی۔ وزیرخزانہ آکھیا جو کلی معیشت بارے پاکستان سدھے پاسے ویندا پئے، ملکی کرنسی مستحکم اے، زرمبادلہ دے ذخائر ودھدے پئن، ایں ویلھے ݙو مہینے دی درآمدات کیتے زرمبادلہ موجود اے۔ افراط زر بارے وی اہم پیش رفت تھئی اے۔ پالیسی ریٹ ڳھٹ ڳئے۔ کائیبورجیڑھا جو23فیصد تئیں پڄ ڳئیا ہئی 11 فیصد دی سطح تے آڳئے۔ گزریل ہک سال اچ پاکستان دی ریٹنگ بہتر تھئی اے اتے انشاء اللہ ایں سال وی اساں سنگل بی دی کیٹیگری ڳھنݨ اچ کامیاب تھی ویسوں۔ انہاں آکھیا جو ٹیکسیشن دے شعبہ اچ وݙی تبدیلیاں امدی پئن، ایف بی آر دی اینڈٹواینڈڈیجیٹلائزیشن تھیندی پئی اے۔ ایں نال لیکجز اچ ڳھٹکی اتے شفافیت کوں یقینی ٻݨایا ویسی۔ کسٹم اچ فیس لیس انٹرایکشن شروع تھی ڳئی اے۔ انہاں آکھیا جو توانائی دے شعبے اچ اصلاحات تھیندی پئن، مسابقتی توانائی کیتے اساں سخت فیصلے کیتن۔ رائٹ سائزنگ داعمل مرحلہ واربنیاداں تے مشورے نال اڳوں ودھایا وینداپئے۔ وزیرخزانہ آکھیا جو ریٹیل شعبہ داملکی جی ڈی پی اچ اہم کردار اے جڈانجو ٹیکس دے شعبے اچ ایندا کردار اہم اے۔ مینوفیکچرنگ، خدمات اتےتنخواہ دارطبقہ تےٹیکساں دا ٻوجھ غیر متناسب اے، زرعی انکم ٹیکس بارے پیش رفت چنڳی اے، ملک دے فیدے کیتے سارے شعبیاں کوں ٹیکس نیٹ ورک اچ آوݨا پوسی۔ زراعت، ریئل ا سٹیٹ، اتےریٹیل دے شعبیاں کوں آپݨا کردار ادا کرݨا پوسی۔ رائٹ سائزنگ داعمل مرحلہ واربنیاداں تے مشورےنال اڳوں ودھایا ویسی۔انہاں آکھیا جو ٹیکس پالیسی آفس کوں ایف بی آر دی بجائے وزارت خزانہ دے تحت کر ݙتا ڳئے۔ اے اہم ڈھانچہ جاتی تبدیلی اے، ایف بی آر دی توجہ ہݨ صرف محصولات دی وصولی تے ہوسی۔
