ریاض۔20فروری (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ آکھیا جو سعودی وژن 2030ءعملی شکل اختیار کر ڳئے، ترقی کیتے تعاون ٻہوں ضروری اے، عالمی میڈیا اداریاں نال سانجھے داری فیدہ مند ثابت تھی سڳدی اے۔ فیک نیوز اتے مس انفارمیشن ساریاں توں وݙا خطرہ اتے چیلنج ہن اساکوں ایں چیلنج دا حل ڳولݨ دی لوڑھ اے۔ ترقی کیتے تعاون ٻہوں ضروری اے۔ ترقی اتے بہتری دی گنجائش ہمیشہ رہندی اے۔ سوشل میڈیا تے مصنوعی ذہانت دا استعمال منصفانہ ہووݨا چاہیدے۔ پاکستان اچ میڈیا کون جدید تقاضیاں نال جوڑیا ویندا پئے۔ غزہ سویں عالمی مسئلے بارے صحیح اتے حقیقی معلومات ݙیوݨ ضروری اے تانجو اتھاں تھیوݨ آلے ظلم بارے دنیا ڄاݨ سڳے۔ اے ڳالھیں انہاں سعودی میڈیا فورم 2025ء دے تحت ”علاقائی اتے عالمی میڈیا وچال سانجھے داریاں مقامی میڈیا کوں کینویں اڳوں ودھا سڳدن؟” دے موضوع تے تھیوݨ آلے مباحثے اچ آکھی۔ ایں موقع تے ٻئے مقررین اچ ایف آئی پی پی دے سی ای او آلسٹیئر لیوس، ایس آر ایم جی تھنک دی منیجنگ ڈائریکٹر نیدا المبارک، میڈیا ڈائریکٹر،گورنمنٹ ریلیشنز ایکسپرٹ اتے چیئرمین بورڈ آف ڈائریکٹرز ایس ایم ایف اینیمیشن یولیانا سلاشیوا شامل ہن۔ وفاقی وزیر اطلاعات آکھیا جو سعودی وژن 2030ءعملی شکل اختیار کر ڳئے، ترقی کیتے تعاون ٻہوں ضروری اے، عالمی میڈیا اداریاں نال سانجھے داری فیدہ مند ثابت تھی سڳدی اے۔ انہاں آکھیا جو پاکستان چووی کروڑ عوام دی سرزمین اے جئیں اچ 18 کروڑ عوام آن لائن سروسز نال جڑی اے، اساݙی متحرک آبادی دا سٹھ فیصد حصہ 30 سال توں ڳھٹ عمر دے نینگراں دا اے۔ وفاقی وزیر آکھیا جو اساں وادی سندھ دی قدیم تہذیب دے امین ہیسے جئیں دامسکن دریائے سندھ دے کناریاں تے ہئی۔ پاکستانی نہ صرف شاندار قوم اے بلکہ کے ٹو سویں دنیا دی ݙوجھی اُچی چوٹیاں دامحافظ اے۔ وفاقی وزیر آکھیا جو سعودی ریسرچ اینڈ میڈیا گروپ (ایس آر ایم جی) بارےاساݙے کول اردو نیوز، عرب نیوز، انڈیپنڈنٹ اردو موجود ہن جیڑھا ٻہوں چنڳا کم کریندے پئن۔ عطاءاللہ تارڑ میڈیا اداریاں اچ تعاون ودھاوݨ، مقامی میڈیا کوں مہارت دی ترقی اتے آپݨی صلاحیت ودھاوݨ دی لوڑھ تے زور ݙیندیں ہوئیں آکھیا جو عالمی سانجھے داراں نال ہتھ ملاوݨ مقامی میڈیا اداریاں اچ ہک مثالی تبدیلی ڳھن آسڳدے۔ انہاں آکھیا جو اساݙے کنے آسکر ایوارڈ یافتہ شرمین عبید چنائے، نوبل انعام یافتہ ملالہ یوسفزئی اتے تریمت کوہ پیما ثمینہ بیگ موجود ہن، شرمین عبید شاندار دستاویزی فلم ٻݨا تے آسکر ایوارڈ جتیا، ملالہ یوسفزئی تعلیمی کارکن ہن جڈانجو ثمینہ بیگ واحد تریمت ہن جنہاں مائونٹ ایورسٹ اتے کے ٹو سودھی دنیا دی ست بلند ترین چوٹیاں کوں سر کیتے۔ انہاں آکھیا جو پاکستان اچ ٻہوں چنڳے نیوز اتے تفریحی چیلنجز موجود ہن۔ انہاں آکھیا جو غزہ سویں عالمی مسئلے بارے صحیح اتے حقیقی معلومات ݙیوݨ ضروری اے تانجو اتھاں تھیوݨ آلے ظلم بارے دنیا ڄاݨ سڳے۔ انہاں آکھیا جو فیک نیوز اتے مس انفارمیشن ساریاں توں وݙا خطرہ اتے چیلنج ہن اساکوں ایں چیلنج دا حل ڳولݨ دی لوڑھ اے۔ ترقی کیتے تعاون ٻہوں ضروری اے۔ ترقی اتے بہتری دی گنجائش ہمیشہ رہندی اے۔ سوشل میڈیا تے مصنوعی ذہانت دا استعمال منصفانہ ہووݨا چاہیدے۔ پاکستان اچ میڈیا کون جدید تقاضیاں نال جوڑیا ویندا پئے۔ انہاں آکھیا جو سوشل میڈیا تے کڄھ الگورتھم ہن، جئیں ویلھے اساں غزہ یا فلسطین بارے پوسٹ کریندوں تاں او چیزاں فوری ختم تھی ویندن۔ انہاں آکھیا جو سوشل میڈیا اتے مصنوعی ذہانت دا استعمال دنیا دے سارے لوکاں کیتے مناسب اتے منصفانہ ہووݨا چاہیدے۔ اساکوں ایں بارے منصفانہ نظام دی لوڑھ اے۔ عطاءاللہ تارڑ آکھیا جو عالمی میڈیا اداریاں دی پاکستان دے مقامی میڈیا آئوٹ لیٹس نال سانجھے داری چنڳی ڳالھ اے۔ اینویں سانجھے داری نال شفافیت دی حوصلہ افزائی تھیسی۔
