اسلام آباد۔20فروری (اے پی پی) وفاقی وزیر منصوبہ بندی تے ترقی احسن اقبال آکھیا جو وفاقی حکومت صحت اتے تعلیم دے شعبیاں اچ بہتری کیتے صوبائی حکومتاں نال ہر تعاون کرݨ کیتے تیار اے۔ اساکوں رَل تے کم کرݨا پوسی تانجو پاکستان کوں حقیقی معنیاں اچ ترقی دی راہ تے ٹور سڳوں۔ نوزائیدہ ٻالاں دی نشوونماء بارے تھیوݨ آلی تقریب توں خطاب کریندیں ہوئیں انہاں آکھیا جو پہلے ترائے سالیں اچ ٻالاں دے ذہن دی 80 فیصد نشونما پوری تھیندی اے جڈانجو زرعی ملک ہووݨ پاروں اڄ پاکستان دے 40 فیصد ٻال غذائی گھٹکی دا شکار ہن۔ احسن اقبال آکھیا جو پاکستان دی آبادی گزریل 30 توں 40سالیں دے معیاری غذائی قلت دا سامݨا کریندی پئی اے جڈانجو ترقی پذیر ملکاں ایں عرصے اچ ایں مسئلے کوں حل کر ڳھدے۔ انہاں 2017 اچ پرائس واٹر ہاؤس کوپر دی رپورٹ دا حوالہ ݙیندیں ہوئیں آکھیاجو اگر ملک ایں رفتار نال ترقی کریندا تاں 2030 تئیں پاکستان دنیا دی 20 وݙی معیشتاں اچ رَل سڳدا ہئی۔ انہاں آکھیا جو وفاقی حکومت صحت اتے تعلیم دے شعبیاں اچ بہتری کیتے صوبائی حکومتاں نال ہر تعاون کرݨ کیتے تیار اے۔
