اسلام آباد۔20فروری(اے پی پی)وفاقی وزیر خزانہ و محصولات سینیٹر محمد اورنگزیب نال پاکستان ڈیری ایسوسی ایشن دے نمائندہ وفد ملاقات کیتی اے اتے ڈیری دی صنعت دے مسلیاں اتے پالیسی اقدامات تے الایا۔ اجلاس اچ معروف ڈیری کمپنیاں دے اہم شراکت داراں لیڈ کمپنی دے عثمان ظہیر احمد، فوجی فوڈز لمیٹڈ دے سید کاشان حسن، اینگرو پاکستان لمیٹڈ دے عمران حسین، اینگرو پاکستان لمیٹڈ دے وقار احمد شیخ، نیسلے پاکستان دے احمد عمر، حلیب فوڈز لمیٹڈ دے نور آفتاب اتے ٹیٹرا پیک پاکستان لمیٹڈ دے ڈاکٹر ایم ناصر شامل ہن۔ وزیر خزانہ عالمی بینک دے صدر اجے بانگا نال تھیوݨ آلی ملاقات دا ݙسایا اتے غذائیت و خوراک دی سلامتی اتے موسمیاتی تبدیلی بارے اڳونہی تے ڳالھ کیتی اتے پاکستان اچ خوراک دے تحفظ اتے چیلنجز نال نمتݨ بارے اقدامات دا عزم دوہرایا۔ وزیر خزانہ یقین ݙیوایا جو آندے بجٹ اچ ڈیری مصنوعات دی ودھوتری سانڳے ودھ اقدامات شامل کیتے ویسن۔ فریقین ڈیری انڈسٹری دی پائیدار ترقی اتے معیشت اچ مثبت کردار سانڳے باہمی تعاون جاری رکھݨ تے اتفاق کیتے۔
