اسلام آباد۔21فروری (اے پی پی) وفاقی وزیر برائے صنعت تے پیداوار رانا تنویر حسین آکھیا جو حکومت یوٹیلیٹی سٹورز کوں بند نئی کریندی پئی، نجی شعبے دے تعاون نال انہاں کوں ٻئیا موثر ٻݨاوݨ دا ارادہ رکھیندی اے۔ جمعے کوں سینیٹ اجلاس اچ انہاں آکھیا جو حکومت ہر سال یوٹیلیٹی سٹورز کوں 50 ارب روپے دی سبسڈی ݙیندی پئی اے جڈانجو رمضان پیکیج دے تحت گزریل سال 17 ارب روپے دی سبسڈی ݙتی ڳئی ہئی۔ ایں سال رمضان پیکج کیتے 20 ارب روپے رکھیے ڳئے ہن اتے پہلی واری 40 لکھ لوکاں کوں براہ راست نقد امداد ݙتی ویسی۔ صوبے وی ایں عمل اچ آپݨا حصہ پیسن۔ انہاں آکھیا جو ملازمین دے حقوق دا تحفظ کیتا ویسی چاہے او مستقل ملازم ہوون یا کنٹریکٹ تے کم کریندے پئے ہوون۔
