ریاض۔21فروری (اے پی پی) وفاقی وزیر اطلاعات، نشریات، قومی ورثہ تے ثقافت عطاءاللہ تارڑ پاکستان اتے بحرین وچال میڈیا تعاون ودھاوݨ، مہارتاں دے تبادلے اتے سانجھے منصوبیاں دا عزم کریندیں ہوئیں آکھیا جو پاکستان دی معیشت سدھے پاسے ویندی پئی اے۔ عالمی سرمایہ کاراں کیتے پاکستان اچ سرمایہ کا راں کیتے پاکستان اچ سرمایہ کاری دا بہترین موقع اے۔ اے ڳالھ انہاں سعودی میڈیا فورم دے موقع تے بحرین دے وزیر اطلاعات رمضان بن عبداللہ النعیمی نال ملاقات اچ ڳالھ مہاڑ کریندیں ہوئیں آکھی۔ وفاقی وزیر اطلاعات آکھیا جو پاکستان اتے بحرین دے برادرانہ تعلقات ٻہوں مضبوط، سانجھے عقیدے، تاریخ اتے ثقافت تے مبنی ہن۔ انہاں آکھیا جو ݙوہیں ملکاں وچال میڈیا تعاون دے شعبیاں اچ رابطے ودھاوݨ کیتے میڈیا وفود دے تبادلے اہمیت رکھیندن۔ وفاقی وزیر بحرین اتے پاکستان دے سٹیٹ میڈیا اداریاں وچال تعاون ودھاوݨ دی لوڑھ تے زور ݙیندیں ہوئیں بحرین دی نیوز ایجنسی بی این اے اتے پاکستان دی سرکاری نیوز ایجنسی اے پی پی وچال خبراں دی سانجھ دی تجویز ݙتی۔ ݙوہیں پاسوں اڄوکے سالیں اچ اعلیٰ سطحی وفود دے باقاعدہ تبادلیاں دا خیر مقدم کیتا۔ وفاقی وزیر آکھیا جو اڄوکے ݙینھ اچ بحرین دے پا رلیمانی وفد پاکستان دا دورہ کیتا اتے وزیراعظم محمد شہباز شریف نال ملاقات کیتی جو ݙوہیں ملکاں وچال تعلقات دی مضبوطی دا اظہار اے۔
