اسلام آباد۔21فروری (اے پی پی) وفاقی وزیر صنعت تے پیداوار رانا تنویر حسین آکھیا جو رمضان المبارک اچ کھنڈ دا نرخ 130 روپے کلو ویچݨ کیتے ملک اچ سینکڑاں سٹال لاتے ویسن۔ 27 رمضان تئیں سٹالز تے کھنڈ بغیر رکاوٹ دے ملسی۔ اے ڳالھیں انہاں جمعے کوں آپݨی صدارت اچ تھیوݨ آلے شوگر ایڈوائزری بورڈ دے اجلاس اچ آکھی۔ اجلاس اچ کھنڈ دی فراہمی کوں بہتر ٻݨاوݨ اتے عوام تئیں اوندی رسائی کیتے اہم فیصلے کیتے ڳئے۔ سارے صوبیاں دے چیف سیکرٹریز کوں ہدایت کیتی ڳئی اے جو میونسپل سطح تے کھنڈ دے سٹالز لاون تانجو عوام کوں سوکھ نال کھنڈ مل سڳے۔ اجلاس کوں ݙسیا ڳئیا جو سندھ اچ صوبائی حکومت دے تعاون نال 230 سٹالز، خیبرپختنخواہ اچ 405 ، پنجاب اتے بلوچستان اچ وی کھنڈ دے سٹالز لاتے ویسن۔ وفاقی وزیر آکھیا جو رمضان المبارک اچ کھنڈ دا نرخ 130 روپے کلو ویچݨ کیتے ملک اچ سینکڑاں سٹال لاتے ویسن۔
