اسلام آباد۔21فروری(اے پی پی)وزیراعظم محمد شہباز شریف مقدمات دی تفویض اتے انتظامی نظام دا اجرا کریندے آکھیے جو اے نواں نظام شفافیت، بروقت اتے فوری انصاف کیتے اہم ثابت تھیسی۔اسلام آباد اچ مقدمات دی تفویض اتے انتظامی نظام دے اجراء دی افتتاحی تقریب نال خطاب اچ وزیراعظم آکھیے جو ایں نظام دے اجراء کیتے تعاون تے کینیڈا اتے یو این او ڈی سی دے مشکور ہیں جو فوری اتے تیزی تر انصاف کیتے اے نظام ٻہوں ضروری ہا، ایں جدید ٹیکنالوجی نال ٹریک اینڈ ٹریس سسٹم متعارف کرائے، ایندے نال پورے ملک دے سائلین اتے درخواست گزار شفاف اتے تیز تر انصاف ڳھن سڳسن۔ انہاں آکھیا جو اے نظام ساریاں بندرگاہواں، ایئرپورٹس اتے ڈرائی پورٹس تے وی کم کریندا پئے، معاملات درست سمت اچ ڳھن آوݨ چیلنج اے، ایں سانڳے بھرپور کم تھیندا پئے اتے ایندے مثبت نتائج سامݨے آندے پئن، میں ایں معاملے دی آپ نگرانی کریندا پیاں، پچھلے 11 مہینے اچ خامیاں دور کرݨ تے پوری توجہ ݙتی اے۔ انہاں آکھیا جو پاکستان کولوں ہر شعبہ اچ بہترین صلاحیتاں آلے لوک موجود ہین، ساکوں چیلنجز نال نمٹݨ کیتے محنت نال کم ڳھنݨا ہوسی، ہݨ اینڄھا نظام متعارف کرائے جو بدعنوانی وات تھیوݨ آلا پیسہ ولا خزانہ اچ آسی، بدعنوان عناصر توں ہک ہک ٹکا وصول کرتے عوامی فلاح تے خرچیسوں۔ تقریب نال یو این او ڈی سی دے کنٹری ڈائریکٹر ٹرولس ویسٹر، کینیڈا دی ہائی کمشنر لیسلی سکینن، وفاقی وزیر قانون و انصاف اعظم نذیر تارڑ وی خطاب کیتے۔
