اسلام آباد۔21فروری(اے پی پی)سول جج جوڈیشل مجسٹریٹ ملک محمد عمران قومی خبر رساں ادارہ (اے پی پی)ڈی ایس این جی دی غیر قانونی خریداری کیس اچ بطور ادارہ بری الزمہ قرار ݙیندے کیس اچ ملوث افسران دیاں تنخواہیں توں مذکورہ رقم دی ریکوری کرݨ دا حکم ݙتے۔
اے پی پی دے ایم ڈی محمد عاصم کھچی اپݨے وکیل حسنین حیدر تھہیم نال عدالت پیش تھئین۔ اپݨے دلائل اچ حسنین حیدر تھہیم ایڈووکیٹ آکھیا جو ایم ڈی اے پی پی، ڈائریکٹر چائنہ نیوز سروس یاور عباس بخاری دی سربراہی اچ ڈی ایس این جی وین کیس دی تحقیقات کیتے انکوائری کمیٹی ٻݨائی ڄئیں تفتیش توں بعد سارے شواہد دے مطابق سابقہ ڈائریکٹر آئی ٹی محمد غواث خان، سینئر کلرک عتیق الرحمان اتے انچارج لیگل سیکشن محمد زبیر کوں قصوروار قرار ݙیندے ملزمان دے خلاف محکمانہ کارروائی دی سفارش کیتی۔ وکیل آکھیا جو نیٹ سائٹ کمپنی ڈی ایس این جی وین اچ لگی مشینری وی ڳھدی اتے اے پی پی توں مذکورہ رقم ݙیوݨ دا وی آکھیا ہا اتے اے پی پی افسران نال رلت کر تے ادارے دا نقصان پورا کرݨ دی بجائے اے پی پی دے خلاف رقم دی ادائیگی کیتے عدالت دا در کھڑکا ݙتا اتے ہتھو ادارے کوں ہی مورد الزام کھڑا ݙتا ہا، عدالت توں کرپشن اچ ملوث افسران، نجی کمپنی نیٹ سائٹ دے خلاف کارروائی دی بجائے اے پی پی دے خلاف احکامات ڳھن ڳھدن۔ اے پی پی دے لیگل ایڈوائزر موقف اختیار کیتے جو 15 سال بعد ادارے کوں ہک وݙے مالی نقصان توں بچایا ڳئے جیندا سہرا ایماندار اتے قابل ترین آفیسر ایم ڈی اے پی پی محمد عاصم کھچی کوں ویندے۔ عدالت وکیل دے دلائل توں بعد ڈی ایس این جی سکینڈل اچ ملوث افسران توں مذکورہ رقم دی ریکوری انہاں دیاں تنخواہیاں توں کرݨ دا حکم ݙیندے سماعت ست اپریل تئیں ملتوی کرݙتی۔ یاد راہوے جو ایں توں پہلے مذکورہ افسران اختیارات دا ناجائز استعمال کریندے پیپرا رول کوں ہوا اچ اݙا ݙتے اتے ادارے کوں ہک کروڑ 20 لکھ روپے دا نقصان پچائے اتے نویں ڳاݙی ڳھنݨ دی بجائے نان کسٹم پیڈ گݙی ڳھدی جیڑھی مروجہ قوانین دی صریحاً خلاف ورزی ہئی۔ واضح راہوے جو کرپشن دے خلاف وزیراعظم محمد شہباز شریف دی زیرو ٹالرینس پالیسی تے وزارت اطلاعات و نشریات وفاقی وزیر عطا اللہ تارڑ دی اڳواݨی اچ سختی نال عمل کریندی پئی اے،
وزیر اطلاعات و نشریات دی ہدایت تے ایم ڈی اے پی پی محمد عاصم کھچی ادارے دے کرپٹ عناصر دے خلاف وݙے پیمانے تے آپریشن کریندے پین جیں پاروں تقریباً ݙیݙھ ارب روپے دی کرپشن پکڑیڄ چکی اے اتے ایں بارے مقدمات مختلف عدالتاں اچ زیر سماعت ہین۔
