اسلام آباد۔21فروری(اے پی پی) چئیرپرسن اکادمی ادبیات پاکستان ڈاکٹر نجیبہ عارف مادری زباناں دے تحفظ اتے فروغ تے زور ݙیندے آکھیے جو ماء ٻولی دا ودھارا ضروری اے ٻھل معاشرے اچ ہم آہنگی سانڳے ہر زبان کوں احترام ݙیوݨا ہوسی۔ اے ڳالھ انہاں ماء ٻولی دے ڄڳ ݙیہاڑے تے مادری زباناں دے انڈس کلچرل فورم ولوں 10 ویں ادبی میلے اچ ڳالھ مہاڑ کریندے آکھی۔
انہاں آکھیا جو مادری زبان دی حفاظت سانگے ساکوں ودھ کوششاں کرݨیاں چاہیدن، ساکوں اپݨے سماج کوں مربوط اتے تکڑا کرݨے اتے چھوٹے چھوٹے خانیاں اچ ونݙیڄݨ توں بچاوݨے تاں، ماء ٻولی دے ودھارے دے نال نال ہر زبان کوں احترام و قدر ݙیوݨی ہوسی۔ انہاں آکھیا جو ڄڳ اچ ترقی دے نویں امکانات ڳولݨ سانڳے ہک کثیر لسانی معاشرہ تشکیل ݙیوݨ ضروری اے، ساکوں ݨا ٻولی دے سودھا ماحول دی زبان نال وی رشتہ ڄوڑݨا ہوسی اتے اپݨے عہد دی ہر وݙی زبان نال تعلق ودھاوݨا ہوسی جو اساں گلوبلائزیشن دے بلیک اچ اپݨی سنڄاݨ نال جڑ سڳوں۔
