اسلام آباد۔22فروری (اے پی پی) وزیراعظم دے کوآرڈینیٹر برائے قومی صحت ڈاکٹر مختار احمد بھرتھ آکھیا جو وفاق اتے چاریں صوبیاں دے سانجھ نال 68 ارب روپے دا پروگرام شروع کیتے جئیں اچ اہم پیش رفت تھئی اے اتے گلگت بلتستان دے ݙو ضلعیاں اچ پائلٹ پراجیکٹ شروع کر ݙتا ڳئے جئیں کوں چاریں صوبیاں تئیں ودھایا ویسی۔ چھݨ چھݨ کوں وزارت صحت دے ترجمان توں جا ری بیان اچ ڈاکٹر مختار احمد بھرتھ آکھیا جو وزیراعظم دے ہیپاٹائٹس سی دے خاتمے دا پروگرام تے اہم پیش رفت تھئی اے۔ وزیر اعظم پروگرام دے تحت گلگت بلتستان دے ݙو ضلعیاں اچ پائلٹ پروگرام شروع کیتا ڳئے۔ انہاں آکھیا جو آغا خان ڈویلپمنٹ نیٹ ورک دے تعاون نال گلگت بلتستان اچ ݙو جہیں تے ایم سی چلاس دیامر اتے یو سی مرکنجہ شگر اچ ہک پائلٹ پراجیکٹ شروع کیتا ڳئے۔ انہاں آکھیا جو پروگرام دے تحت سکرینگ اتے علاج دی سہولتاں لوکاں کوں مفت ݙتی ویندی پئن۔
