اسلام آباد۔22فروری (اے پی پی) متحدہ عرب امارات دے نائب وزیراعظم اتے وزیر خارجہ سینیٹر اسحاق ڈار متحدہ عرب امارات دے ہم منصب شیخ عبداللہ بن زید النہیان نال ملاقات کیتی جئین اچ برادرانہ تعلقات کوں ٻئیا ودھاوݨ تے تفصیلی ڳالھ مہاڑ کیتی ڳئی۔ متحدہ عرب امارات دے نائب وزیر اعظم اتے وزیر خارجہ دی دعوت تے ابوظہبی اچ تھیوݨ آلے ملاقات اچ فریقین تجارت، سرمایہ کاری، توانائی، دفاع اتے عوامی رابطیاں سودھے اہم شعبیاں اچ ݙوپاسہ تعاون ودھاوݨ دے امکانات تے ڳالھ مہاڑ کیتی۔ ݙوہیں رہنماواں آپسی دلچسپی دے علاقائی اتے عالمی واقعیاں تے وی ڳالھ مہاڑ کیتی اتے امن، استحکام اتے خوشحالی کوں ودھاوݨ دی اہمیت تے زور ݙتا۔ سینیٹر اسحاق ڈار متحدہ عرب امارات دی قیادت کوں 11 توں 13 فروری 2025 تئیں دبئی اچ ورلڈ گورنمنٹ سمٹ 2025 دی کامیابی تے مبارخ ݙتی۔ سینیٹر محمد اسحاق ڈار متحدہ عرب امارات ولوں پاکستان دی معاشی ترقی اتے خوشحالی کیتے مسلسل تعاون تے وی شکریہ اد اکیتا۔ ایندے جواب اچ شیخ عبداللہ بن زید النہیان پاکستان نال آپݨے تزویراتی تعلقات کوں مضبوط ٻݨاوݨ کیتے متحدہ عرب امارات دے پکے عزم دا اعادہ کیتا۔
