ڈیرہ غازی خان ۔22فروری (اے پی پی) وزیراعظم محمد شہباز شریف ڈیرہ غازی خان اچ کینسر ہسپتال اتے راجن پور اچ یونیورسٹی ٻݨاوݨ دا اعلان کریندیں ہوئیں آکھیا جو وفاقی حکومت ترقیاتی منصوبیاں دا وسیع نیٹ ورک کھںڈا تے جنوبی پنجاب سویں پسماندہ علاقیاں دی ترقی دے نال نال ملک دے سارے علاقیاں دی ہکو سویں ترقی اتے خوشحالی کیتے پرعزم اے۔ اساں پاکستان دی تقدیر بدل ݙیسوں۔ پاکستان ترقی کریسی۔ زراعت صنعت اتے برآمدی صنعت دی ترقی کیتے ݙینھ رات محنت کریسوں۔ اے ڳالھیں وزیراعظم محمد شہباز شریف چھݨ چھݨ کوں ڈیرہ غازی خان دے دورہ اتے عظیم الشان عوامی کٹھ توں خطاب کریندیں ہوئیں آکھی۔ وزیراعظم دے جلسہ گاہ پڄݨ تے جنوبی پنجاب دی عوام استقبال کیتا۔ وزیراعظم محمد شہباز شریف والہانہ استقبال تے ڈیرہ غازی خان اتے وسیب دی عوام دے نال نال شکریہ ادا کیتا اتے آپݨے خیرمقدمی کلمات اچ آکھیا جو جنوبی پنجاب خصوصی طور ڈیرہ غازی خان دی عوام جو محبت ݙتی اے اوندا احسان ساری زندگی نی ݙے سڳدا۔ انہاں آکھیا جو مریم نواز شریف ہݨ پورے پنجاب اتے جنوبی پنجاب دے ایں خطے اچ ہسپتال اچ ڄال وچھیندی پئی اے اتے مفت دوائیں دا سلسلہ جاری اے۔ لیپ ٹاپ، کسان کارڈ ݙتا ویندا پئے۔ دل جگر دے ٹرانسپلانٹ سنٹر ٻݨائے ویندے پئن۔ وزیراعظم آکھیا جو وفاقی وزیر توانائی اویس لغاری آکھیے جو اتھ وی ہسپتال ٻݨݨا چاہیدے جئیں تے میں اعلان کرینداں جو ڈیرہ غازی خان اچ کینسر ٻݨایا ویسی۔ وزیر اعظم محمد شہباز شریف آکھیا جو اساں سیاست تے ملک کوں ترجیح ݙتی اے۔ ݙینھ رات دی محنت نال مہانگ دی شرح 40 فیصد توں ڳھٹ تھی تے 2.4 فیصد تے آئی اے۔ جنوبی پنجاب اچ ترقیاتی منصوبے تساݙا حق اے، صحت، تعلیم اتے انڈسٹری دی ترقی کیتے خادم اعلیٰ دی حیثیت نال کم کیتے۔ وزیراعظم آکھیا جو میݙے کیتے سارے صوبے برابر ہن، پنجاب، سندھ، بلوچستان اتے خیبرپختونخواہ دی حکومتاں نال رَل تے پاکستان دی ترقی تے خوشحالی کیتے ݙینھ رات محنت کریندے پئیوں۔ وزیراعظم محمد شہباز شریف آکھیا جو ڈیرہ غازی خان آلیاں دے مسلم لیگ (ن) تے احسان ہن، ساری عمر وی تساݙی خدمت کراں تاں احسان نی لہا سڳدا۔ انہاں آکھیا جو راجن پور اچ یونیورسٹی ٻݨاوݨ دا اعلان کرینداں۔ وزیراعظم شہباز شریف آکھیا جو سردار اویس لغاری اتے وسیب دے نمائںدے ݙینھ رات محنت کریندے پئن۔ وزیراعظم شہباز شریف آکھیا جو جݙاں تئیں جان اچ جان اے، اساں پاکستان کوں عظیم ملک ٻݨیسوں۔ وزیراعظم لیہ پل کوں مکمل کرݨ دی ہدایت کیتی۔ ایں موقع تے پاکستان مسلم لیگ (ن) پنجاب دے صدر رانا ثنا اللہ ، وفاقی وزیر اطلاعات تے نشریات عطا اللہ تارڑ ،وفاقی وزیر منصوبہ بندی احسن اقبال، وفاقی وزیر توانائی اویس لغاری اتے ڈیرہ غازی خان دے ٻئے عوامی نمائندے، عمائدین وی موجود ہن۔ ایں توں پہلے ڈیرہ غازی خان توں رکن قومی اسمبلی وفاقی وزیر سردار اویس خان لغاری جلسہ توں خطاب کریندیں ہوئیں وزیراعظم شہباز شریف کوں ڈیرہ غازی خان آوݨ تے خوش آمدید آکھیا۔ انہاں آکھیا جو اڄ جلسہ گاہ اچ موجود عوام وزیراعظم شہباز شریف دی ترقی دے وژن کوں سلام پیش کرݨ کیتے آئن۔ اویس لغاری آکھیا جو وزیراعظم محمد شہباز شریف ڈیرہ غازی خان کوں 131 ارب روپے دے ترقیاتی منصوبیاں دا تحفہ ݙتے جئیں تے انہاں دا شکریہ ادا کریندوں۔ ایں توں پہلے جلسہ گاہ پڄݨ تے وزیراعظم دا شاندار استقبال کیتا ڳئیا۔ ایں موقع تے سردار جمال خان لغاری وی خظاب کیتا۔ وزیراعظم فاروق احمد خان لغاری انٹرنیشنل ایئرپورٹ ڈیرہ غازی خان دے اپ گریڈیشن منصوبے دی تختی دی نقاب کشائی کیتی اتے راجن پور-ڈی جی خان-ڈی آئی خان دی 331 کلومیٹر طویل انڈس ہائی وے (N-55۔تریجھے حصہ) کوں ݙو رویہ کرݨ دے منصوبے دا منڈھ بدھیا۔ وزیراعظم کوں متعلقہ حکام انہاں منصوبیاں بارے بریفنگ ݙتی۔
