باکو۔24فروری (اے پی پی) وزیراعظم محمد شہباز شریف اڄ سنوار کوں آذربائیجان دے دارالحکومت باکو اچ مصروف ݙینھ گزریسن۔ سنوار کوں وزیراعظم آفس دے میڈیا ونگ توں جاری بیان موجب وزیرِ اعظم آذربائیجان دے صدر الہام علیوف نال ملاقات کیتے زوولبا محل ویسن جتھ وزیراعظم محمد شہباز شریف کوں گارڈ آف آنر پیش کیتا ویسی۔ بعد اچ وزیر اعظم شہباز شریف اتے آذربائیجان دے صدر وچال ݙوپاسہ ملاقات اتے وفود دی سطح تے ملاقات تھیسی۔ وزیر اعظم شہباز شریف اتے آذربائیجان دے صدر الہام علیوف پاکستان اتے آذر بائیجان وچال تعاون دے ودھارے کیتے مفاہمتی یادداشتاں تے معاہدیاں تے دستخط دی تقریب اچ شرکت کیتے اتے پریس کانفرنس توں خطاب کریسن۔ وزیرِ اعظم 44 روزہ نگورنو کاراباخ جنگ دے ہیروز اتے شہدا دی یادگار تے حاضری ݙیسن۔ آذربائیجان دے صدر الہام علیوف وزیر اعظم شہباز شریف اتے پاکستانی وفد دے اعزاز اچ عشائیہ ݙیسن۔
